Delhi: చలిపెడుతుందని కొరివి పెట్టుకున్నారు.. తెల్లారే సరికి శవాలయ్యారు

Delhi: ఢిల్లీలో చలి తీవ్రత ఎక్కువగా ఉంది. చలి నుంచి బయటపడేందుకు చాలామంది మంటలు వేసుకోవడం సర్వసాధారణం. అయితే ఈ మంటలే కొన్ని చోట్ల ప్రజల మరణాలకు దారి తీస్తున్నాయి. గత కొద్ది రోజులుగా అలాంటి మంటలకు బలవుతున్న జనాల గురించి వార్తలు వస్తూనే ఉన్నాయి. ఈసారి కూడా అలాంటిదే జరిగింది. ఢిల్లీలో చలి నుంచి తప్పించుకునేందుకు పొయ్యి వెలిగించి నిద్రిస్తున్న.. రెండు వేర్వేరు కేసుల్లో ఆరుగురు చనిపోయారు. ఒక కేసు ఇంద్ర పురి పోలీస్ స్టేషన్ పరిధిలో ఉండగా, మరొకటి అలీపూర్‌కు చెందినది. ఈ వ్యక్తులు రాత్రి చలి నుండి తప్పించుకోవడానికి రాత్రి పూట కొరివి వెలిగించారు. పొయ్యి నుంచి పొగలు రావడంతో ఊపిరాడక మృతి చెందినట్లు చెబుతున్నారు.

Read Also:Indore T20 Records: ఇండోర్‌లో టీమిండియా రికార్డులు అదుర్స్.. అఫ్గానిస్థాన్‌కు చుక్కలు తప్పవా?

ఇంద్రపురి పోలీస్ స్టేషన్ పరిధిలో ఇద్దరు వ్యక్తులు మరణించారు. మృతుల్లో 56 ఏళ్ల వ్యక్తి, 22 ఏళ్ల వ్యక్తి ఉన్నారు. అలీపూర్‌లో నలుగురు మృతి చెందినట్లు వార్తలు వచ్చాయి. వీరిలో భర్త, భార్య, ఇద్దరు పిల్లలు కూడా ఉన్నారు. రాత్రి పూట కొరివి పెట్టుకుని పడుకున్నాడని చెబుతున్నారు. ఉదయం వారి మృతదేహాలను చూసిన ఇరుగుపొరుగు వారు భయాందోళనకు గురయ్యారు. ఈ ఘటనపై ఇరుగుపొరుగు వారు వెంటనే పోలీసులకు సమాచారం అందించారు. పోలీసులు సంఘటనా స్థలానికి చేరుకుని మృతదేహాన్ని స్వాధీనం చేసుకుని పోస్టుమార్టంకు తరలించారు.

Read Also:Sreeleela: పాపం డాన్స్ కి మాత్రమే వాడుతున్నారు… పాప టైమ్ అయిపోయినట్లేనా?

ఘటన గురించి సమాచారం ఇస్తూ, శనివారం ఉదయం 6.40 గంటలకు తమకు పిసిఆర్ కాల్ వచ్చిందని, నలుగురు వ్యక్తులు అపస్మారక స్థితిలో ఉన్నట్లు సమాచారం అందిందని పోలీసులు తెలిపారు. ఘటనా స్థలానికి చేరుకున్న పోలీసులు ఇంటి కిటికీని పగులగొట్టి లోపలికి ప్రవేశించి చూడగా నలుగురు మృతి చెందినట్లు గుర్తించారు. ఊపిరాడక మృతి చెందినట్లు ప్రాథమిక విచారణలో తేలింది. అయితే ఈ వ్యవహారంపై అన్ని కోణాల్లోనూ దర్యాప్తు చేస్తున్నారు. గతంలో ఢిల్లీలోని ద్వారకలో కూడా ఇదే తరహాలో ఓ జంట మృతి చెందిన విషయం తెలిసిందే. అయితే వారి రెండు నెలల పాప తృటిలో ప్రాణాలతో బయటపడింది.