Supplementary exams: పది ఫెయిల్ అయిన విద్యార్థులకు అలర్ట్.. జూన్ 5 నుంచి పరీక్షలు..

పదో తరగతి ఫలితాల వెల్లడి తర్వాత, ఉత్తీర్ణత సాధించని విద్యార్థుల కోసం ప్రభుత్వం ఊరటనిచ్చే ప్రకటన చేసింది. విద్యార్థుల భవిష్యత్తును దృష్టిలో ఉంచుకుని అడ్వాన్స్‌డ్ సప్లిమెంటరీ పరీక్షల షెడ్యూల్‌ను అధికారికంగా విడుదల చేసింది. ప్రభుత్వ ప్రకటన ప్రకారం.. ఈ సప్లిమెంటరీ పరీక్షలు జూన్ 5వ తేదీన ప్రారంభమై, జూన్ 12 వరకు కొనసాగుతాయి. ప్రతిరోజూ ఉదయం 9:30 గంటల నుంచి మధ్యాహ్నం 12:30 గంటల వరకు పరీక్షా సమయాన్ని కేటాయించారు. విద్యార్థులు తమ పాఠ్యాంశాలను తిరిగి చదువుకోవడానికి తగినంత సమయం ఉండటంతో, దీనిని ఒక సువర్ణావకాశంగా భావించి సిద్ధమవ్వాలని అధికారులు సూచిస్తున్నారు.

పరీక్షలకు హాజరయ్యే విద్యార్థులు ఏప్రిల్ 30 నుంచి మే 14వ తేదీ లోపు నిర్ణీత ఫీజును చెల్లించాల్సి ఉంటుంది. గడువు ముగిసిన తర్వాత దరఖాస్తులు స్వీకరించబడవు, కాబట్టి విద్యార్థులు అప్రమత్తంగా ఉండాలి. కేవలం ఫెయిల్ అయిన వారే కాకుండా.. ఫలితాల్లో వచ్చిన మార్కులపై సంతృప్తి లేని విద్యార్థులు రీకౌంటింగ్ లేదా రీవెరిఫికేషన్ ప్రక్రియను ఎంచుకోవచ్చు. ఒక సబ్జెక్టుకు రూ. 500 చెల్లించాలి. ఇందులో మార్కుల లెక్కింపును మరొకసారి తనిఖీ చేస్తారు.

ఒక సబ్జెక్టుకు రూ. 1,000 చెల్లించాల్సి ఉంటుంది. ఇందులో సమాధాన పత్రాల పునఃపరిశీలనతో పాటు జవాబు పత్రం కాపీని కూడా పొందే అవకాశం ఉంటుంది. విద్యార్థులు తమ మార్కులపై నమ్మకం ఉన్నట్లయితే.. ఏమాత్రం ఆలస్యం చేయకుండా ఈ సౌకర్యాన్ని వినియోగించుకోవాలి. సప్లిమెంటరీ పరీక్షలో ఉత్తీర్ణులైతే అదే విద్యా సంవత్సరంలో పై చదువులకు వెళ్లే అవకాశం ఉంటుంది కాబట్టి, విద్యార్థులు ఒత్తిడికి లోనవ్వకుండా ప్రణాళికాబద్ధంగా చదవాలని విద్యాశాఖ కోరుతోంది.