Youtuber: నుపుర్ శర్మను నరికేశాడు.. సారీ చెప్పాడు..

మహమ్మద్ ప్రవ‌క్తపై వివాదాస్పద వ్యాఖ్యలు చేసిన బీజేపీ మాజీ నేత నుపుర్ శ‌ర్మపై వీడియో తీసిన క‌శ్మీర్ యూట్యూబ‌ర్ ఫైస‌ల్ వాని క్షమాప‌ణ‌లు చెప్పారు. నుపుర్‌ను న‌రికిన‌ట్లు త‌న వీడియోలో ఫైస‌ల్ చూపించాడు. దాన్ని ఆన్‌లైన్‌లో అత‌ను పోస్టు చేశాడు. మ‌త‌ప‌ర‌మైన ఆరోప‌ణ‌లు చేసేవాళ్ల త‌ల న‌ర‌క‌డమే శిక్ష అని త‌న వీడియోలో యూట్యూబ‌ర్ ఫైసల్ పేర్కొన్నారు. గొడ్డలితో నుపుర్ త‌ల‌ను న‌రికిన‌ట్లు ఆ వీడియోలో గ్రాఫిక్స్ ప్రజెంట్ చేశాడు.

నుపుర్ త‌ల‌ను విసిరేసిన‌ట్లుగా చూపించాడు. అయితే ఈ వీడియోను పోస్టు చేసి త‌ప్పు చేసిన‌ట్లు ఫైస‌ల్ క్షమాప‌ణ‌లు చెప్పాడు. ఈ వీడియో వ‌ల్ల ఎవ‌రైనా బాధ‌ప‌డి ఉంటే వారికి క్షమాప‌ణ‌లు చెబుతున్నట్లు తెలిపాడు. అమాయ‌కుడినైన నేను ఆ వివాదంలో ఇరుక్కున్నట్లు చెప్పాడు. మ‌త‌ప‌ర‌మైన భావాల‌ను కించ‌ప‌ర‌డం త‌న ఉద్దేశం కాదని.. ఎందుకంటే ఇస్లాం మతం స‌హ‌నాన్ని బోధిస్తుంద‌ని ఫైస‌ల్ అన్నాడు. క్షమాప‌ణ‌ల‌కు సంబంధించిన వీడియోను కూడా పోస్టు చేశాడు.
బీజేపే మాజీ నేతలు నుపుర్ శర్మ, నవీన్‌ జిందాల్‌లు మహమ్మద్ ప్రవ‌క్తపై చేసిన అనుచిత వ్యాఖ్యల దుమారం ఇంకా తగ్గడం లేదు. ఇప్పటికే ఈ వ్యాఖ్యలపై ముస్లింలు ఆగ్రహం వ్యక్తం చేస్తున్నారు. నుపుర్‌ శర్మ, నవీన్‌ జిందాల్‌ను అరెస్ట్ చేయాలని డిమాండ్ చేస్తూ దేశవ్యాప్తంగా ముస్లింలు పలు నగరాల్లో ఆందోళనలు, నిరసనలు చేపట్టిన విషయం తెలిసిందే. ఈ వీడియోపై పలువురు అభ్యంతరాలు వ్యక్తం చేస్తున్నారు.