Earthquake: ఉత్తరాఖండ్‌లో భూప్రకంపనలు.. ప్రజలు పరుగులు

ఉత్తరాఖండ్‌లో శనివారం రెండుసార్లు భూకంప ప్రకంపనలు సంభవించాయి. ఉత్తరకాశిలో 4.2, బాగేశ్వర్‌లో 2.8 రిక్టర్ స్కేల్‌పై తీవ్రత నమోదైంది. రాత్రి 8:08 గంటలకు ఉత్తరకాశీలో 4.2 తీవ్రతతో భూకంపం సంభవించగా.. అదే రోజు రాత్రి అంతకుముందు బాగేశ్వర్‌లో 2.8 తీవ్రతతో మరో భూకంపం సంభవించింది. అక్టోబర్ 6వ తేదీన చమోలీలో 4.9 తీవ్రతతో భూకంపం సంభవించిన కొద్ది రోజులకే మళ్లీ భూప్రకంపనలు జరగడంతో ప్రజలు భయాందోళన చెందుతున్నారు.

ఉత్తరాఖండ్ రాష్ట్ర విపత్తు నిర్వహణ అథారిటీ కూడా భూకంపం సంభవించిన సమయాన్ని గత అర్ధరాత్రి 10:23 గంటలుగా నివేదించింది. భూకంప కేంద్రం చమోలీ జిల్లాలో 13 కిలోమీటర్ల లోతులో ఏర్పడింది. ఉత్తరాఖండ్‌లోని అనేక ప్రాంతాల్లో ప్రకంపనలు సంభవించాయి. డెహ్రాడూన్‌లోని ప్రజలు ప్రకంపనలకు ఇళ్ల నుంచి బయటకు పరుగులు తీశారు. ఢిల్లీ, పరిసర ప్రాంతాలలో కూడా ప్రకంపనలు సంభవించాయి.