Man Kills Wife: డ్రెస్సు సరిగా వేసుకోలేదని భార్యను చంపిన భర్త
Man Kills Wife: పబ్లిక్ ప్లేసుకు అనుచితంగా డ్రెస్ వేసుకుని వచ్చినందుకు భర్త, భార్యను హతమార్చాడు. ఎన్నిసార్లు చెప్పిన పట్టించకోవడం లేదని కోపంతో భార్యను చంపానని నిందితుడు వెల్లడించాడు. ఈ ఘటన ఉత్తర్ ప్రదేశ్ లోని అలీగఢ్ లో జరిగింది. చిన్నపాటి గొడవ ఇద్దరి మధ్య తీవ్ర వాగ్వాదంగా మారి భార్య హత్యకు దారి తీసింది.
Read Also: girl murder : రెండేళ్ల క్రితం బాలికను పొడిచి చంపిన యువకుడు.. ఉరిశిక్ష వేసిన గుజరాత్ కోర్టు
సోమవారం బార్లా పోలీస్ స్టేషన్ పరిధిలో ఈ ఘటన జరిగింది. ఘాజీపూర్ గ్రామానికి చెందిన మోహిత్ కుమార్, సప్నా(28) దంపతులు. వీరిద్దరికి నాలుగేళ్ల పిల్లాడు కూడా ఉన్నాడు. నిందితుడు మోహిత్ కుమార్ తన భార్యను బహిరంగంగా అనుచితంగా దుస్తులు ధరించినందుకు భార్య సప్నాను హత్య చేసినట్లు పోలీసులు తెలిపారు. తన భార్య ఎన్ని సార్లు చెప్పినా వినడం లేదని, అందుకే ఆగ్రహానికి గురై చంపేసినట్లు నిందితులు వెల్లడించారు. సప్నా మెడపై పదునైన ఆయుధంతో దాడి చేయడంతో అక్కడిక్కడే మరణించింది.
ఇరుగుపొరుగు వారి నుంచి సమాచారం అందుకున్న పోలీసులు సంఘటన స్థలానికి చేరుకునే సరికి నిందితులు మోహిత్ భార్య శవం పక్కనే కూర్చోని ఉన్నాడు. దంపతుల మధ్య ఎప్పుడూ గొడవలు జరుగుతూనే ఉంటాయని చుట్టుపక్కల వారు పోలీసులకు తెలిపారు. హత్యపై విచారణ జరుగుతున్నట్లు పోలీసులు వెల్లడించారు.