Tamil Nadu Politics: విజయ్ ప్రభుత్వాన్ని కూల్చే కుట్ర.. ఒక్కో ఎమ్మెల్యేకు రూ.35 కోట్లతో ఎర..!
- Follow Us :
-
-
Add as a preferred
source on google
Tamil Nadu Politics: తమిళనాడు రాజకీయాల్లో తీవ్ర సంచలనం రేపుతూ విజయ్ ప్రభుత్వాన్ని కూల్చేందుకు జరిగిన ఒక భారీ కుట్రను ఇంటెలిజెన్స్ అధికారులు భగ్నం చేశారు. టీవీకే (TVK) పార్టీకి చెందిన దాదాపు 15 మంది ఎమ్మెల్యేలను ప్రలోభపెట్టి, లొంగతీసుకునేందుకు కొందరు వ్యక్తులు తెరవెనుక పెద్ద ఎత్తున చక్రం తిప్పినట్లు ఆధారాలు లభించాయి. ఈ వ్యవహారంలో ఒక పొలిటికల్ కన్సల్టెన్సీ నిర్వాహకుడితో పాటు ఇద్దరిని పోలీసులు అరెస్ట్ చేశారు. ఈ మొత్తం కుట్ర వెనుక డీఎంకే మాజీ మంత్రి సెంధిల్ బాలాజీ హస్తం ఉన్నట్లు బలమైన అనుమానాలు వ్యక్తమవుతున్నాయి.
తమిళనాడులో శాసనసభ స్పీకర్కు వ్యతిరేకంగా జరగబోయే ఓటింగ్లో అనుకూలంగా వ్యవహరించేందుకు ఒక ఎమ్మెల్యేకు రూ.35 కోట్ల భారీ లంచం ఆఫర్ చేసిన ఉదంతం వెలుగులోకి వచ్చింది. కృష్ణగిరి జిల్లా ఉత్తంగరై నియోజకవర్గ టీవీకే (TVK) ఎమ్మెల్యే డాక్టర్ ఎన్. ఇళయరాజాను కొందరు వ్యక్తులు ఫోన్ ద్వారా సంప్రదించి ఈ ఎర వేశారు. ఈ వ్యవహారంపై ఎమ్మెల్యే ఇచ్చిన ఫిర్యాదుతో పోలీసులు ముగ్గురు నిందితులను అరెస్ట్ చేశారు. ఇందులో మాజీ మంత్రి సెంథిల్ బాలాజీ హస్తం ఉన్నట్లు ఆధారాలు లభించడంతో ఈ కేసు రాజకీయంగా పెద్ద దుమారం రేపుతోంది.
Also Read
- Badrinath Highway Tragedy: బద్రీనాథ్ హైవేపై ఘోర ప్రమాదం.. లోయలో పడిన బస్సు.. ఆరుగురు మృతి!
- Modi-Trump Meeting in Manila: మోడీతో ట్రంప్ కీలక భేటీ.. మనీలాలో క్వాడ్ సమ్మిట్లో ఏం జరగబోతోంది?
- The Muslim 500 List 2027: ప్రపంచంలో టాప్-500 ముస్లింల జాబితా.. షారూఖ్తో సహా భారత్ నుంచి 22 మంది!
- UP Congress-SP Alliance: 181 సీట్లు కోరుతున్న కాంగ్రెస్.. లీకైన జాబితాతో అఖిలేష్పై ఒత్తిడి!
అయితే, కొద్దిరోజుల క్రితం ఎమ్మెల్యే ఇళయరాజాకు తిరునావుక్కరసు అనే వ్యక్తి ఫోన్ చేశాడు. తాను ‘ఇండియన్ పొలిటికల్ డెమోక్రటిక్ స్ట్రాటజీస్’ (IPDS) అనే సర్వే సంస్థను నడుపుతున్నానని, ఒక ముఖ్యమైన పార్టీకి చెందిన కొందరు నేతల తరఫున మాట్లాడుతున్నానని చెప్పాడు. అసెంబ్లీలో స్పీకర్కు వ్యతిరేకంగా తీర్మానం రానుందని, ఆ సమయంలో తమకు అనుకూలంగా ఓటు వేస్తే రూ.35 కోట్లు ఇస్తామని ఆశ చూపాడు. దీనికి ఎమ్మెల్యే నిరాకరించడమే కాకుండా, పద్ధతి మార్చుకోవాలని హెచ్చరించారు. దీంతో ఆగ్రహం వ్యక్తం చేసిన తిరునావుక్కరసు.. ఈ విషయం బయటపెడితే ఎమ్మెల్యేను, ఆయన కుటుంబాన్ని మట్టుబెడతామని బెదిరించాడు. ఈ బెదిరింపులపై ఎమ్మెల్యే ఇళయరాజా జూన్ 29, 2026న చెన్నై పోలీస్ కమిషనర్ను కలిసి రాతపూర్వక ఫిర్యాదు సమర్పించారు. దీని ఆధారంగా డీ1 త్రిప్లికేన్ పోలీసులు కేసు నమోదు చేసి దర్యాప్తు ప్రారంభించారు.
సాంకేతిక ఆధారాల సాయంతో చెన్నై అరుంబాక్కానికి చెందిన తిరునావుక్కరసు, తిరుచ్చికి చెందిన నరేష్, మేడవాక్కానికి చెందిన త్యాగరాజన్లను పోలీసులు పట్టుకుని అరెస్ట్ చేశారు. పోలీసుల ప్రాథమిక విచారణలో ఈ కేసులో సంచలన నిజాలు బయటపడ్డాయి. డీఎంకే మాజీ మంత్రి, ప్రస్తుత కోయంబత్తూర్ సౌత్ ఎమ్మెల్యే వి. సెంథిల్ బాలాజీ సోదరుడు వి. అశోక్ కుమార్.. ఈ కేసులో అరెస్టయిన నిందితుడు నరేష్ను చెన్నైలో కలిసినట్లు పోలీసులు గుర్తించారు. సెంథిల్ బాలాజీ, అశోక్ కుమార్ ఇచ్చిన ఆదేశాలు, సూచనల మేరకే తిరునావుక్కరసు రంగంలోకి దిగి ఎమ్మెల్యే ఇళయరాజాకు ఫోన్ చేసినట్లు నిందితులు అంగీకరించారు. ఈ కుట్రకు సంబంధించిన పూర్తి వివరాలను రాబట్టేందుకు పోలీసులు నిందితులను మరింత లోతుగా విచారిస్తున్నారు.
తాజావార్తలు
-
Badrinath Highway Tragedy: బద్రీనాథ్ హైవేపై ఘోర ప్రమాదం.. లోయలో పడిన బస్సు.. ఆరుగురు మృతి!
-
IND vs NZ 1st Test: తొలి టెస్టుకు టీమిండియా ప్లేయింగ్ కాంబినేషన్ ఖరారు.. గిల్ కీలక వ్యాఖ్యలు!
-
CM Chandrababu Delhi Tour: మరోసారి ఏపీ సీఎం హస్తిన బాట.. కేంద్ర మంత్రులతో కీలక సమావేశాలు
-
Sai Pallavi & Sreeleela Dance: స్టేజ్పై డాన్స్ తో సందడి చేసిన స్టార్ హీరోయిన్స్.. వైరల్ వీడియో..!
-
Koti Deepotsavam 2026: కన్నుల పండుగగా కోటి దీపోత్సవం.. నాలుగో రోజు ప్రత్యేక కార్యక్రమాలు ఇవే..
ట్రెండింగ్
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!
-
IPL 2027: రాజస్థాన్ రాయల్స్లోకి మహమ్మద్ షమీ.. వరల్డ్ కప్ విన్నర్ను వదులుకుంటున్న ఆర్ఆర్!
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!