Governor Tamilisai: విమానంలో ప్రయాణికుడికి అస్వస్థత.. ప్రాథమిక చికిత్స చేసిన గవర్నర్

Governor Tamilisai: ఢిల్లీ నుంచి హైదరాబాద్‌కు వెళ్తుండగా తెలంగాణ గవర్నర్ డాక్టర్ తమిళిసై సౌందరరాజన్‌ ఓ ప్రయాణికుడికి చికిత్స అందించి అందరి ప్రశంసలు అందుకున్నారు. ఢిల్లీ నుంచి హైదరాబాద్‌కు అర్ధరాత్రి విమానంలో ప్రయాణిస్తున్న ఒక ప్రయాణికుడు అస్వస్థతకు గురికావడంతో ఆ విమానంలోనే ప్రయాణిస్తున్న గవర్నర్ డాక్టర్ తమిళిసై సౌందరరాజన్ ఆ ప్రయాణికుడికి ప్రాథమిక చికిత్స చేశారు. ప్రయాణికుడు చెస్ట్ పెయిన్, ఇతర సమస్యలతో విమానం గాల్లో ఉన్నప్పుడు తీవ్ర అస్వస్థతకు గురయ్యాడు.

Rtc Duty Timings in Telangana: కొత్త రూల్.. ఆ టైమ్ దాటితే అవసరం లేదంటూ వార్నింగ్

దీంతో విమాన సిబ్బంది ఆ విమానంలో ఎవరైనా డాక్టర్లు ఉన్నారా అని అనౌన్స్ చేయడంతో… విషయం తెలిసిన డాక్టర్ తమిళిసై సౌందరరాజన్ వెంటనే స్పందించి ఆ ప్రయాణికుడికి ప్రాథమిక చికిత్స అందించి, భరోసా ఇచ్చి ఉపశమనం కలిగించారు.కోలుకున్న ప్రయాణికుడు గవర్నర్‌కు కృతజ్ఞతలు తెలిపాడు. అదేవిధంగా ఆ విమానంలో ప్రయాణిస్తున్న ఇతర ప్రయాణికులు అభినందనలు తెలిపారు. గవర్నర్ తమిళిసై సౌందరరాజన్ వైద్య విద్యలో ఉన్నత విద్యావంతురాలు… ఎంబీబీఎస్, ఎండీ, డీజీఓ లాంటి వైద్య విద్యా కోర్సులు చేసిన విషయం విదితమే.

https://twitter.com/iammrcn/status/1550614073124933633?cxt=HHwWgsCqxZbS8YQrAAAA