అనంత్ అంబానీ-రాధికా మర్చంట్ వివాహం శుక్రవారం అంగరంగ వైభవంగా జరిగింది. దేశ, విదేశాల నుంచి వచ్చిన అతిథుల మధ్య ఏడడుగుల బంధంతో జంట ఒక్కటైంది. బాలీవుడ్, హాలీవుడ్, టాలీవుడ్, కోలీవుడ్.. ఇలా అన్ని రంగాల సినీ ఇండస్ట్రీల ప్రముఖులు, రాజకీయ నాయకులు హాజరయ్యారు.. ఆనందోత్సవాలతో ఉత్సాహంగా డ్యాన్స్‌లు చేశారు.
ఇక అనంత్ అంబానీ పెళ్లిలో వదిన శ్లోకా అంబానీ స్పెషల్ ఎట్రాక్షన్‌గా నిలిచారు. మరిదికి ఇష్టమైన వాటిని వస్త్రాల రూపంలో ధరించి స్పెషల్‌గా నిలిచింది. అనంత్ అంబానీకి జంతువులు అంటే చాలా ఇష్టం. ఇందుకోసం గుజరాత్‌లో ప్రత్యేకంగా ఫారెస్ట్ కూడా ఏర్పాటు చేసి జంతువుల్ని పెంచుతున్నారు. దీంతో మరిదికి జంతువులపై ఉన్న మక్కువతో శ్లోకా అంబానీ.. జంతువుల బొమ్మలతో కూడిన దుస్తులు ధరించి ప్రేమను కురిపించారు. ఈ మేరకు ఆమె ఇన్‌స్ట్రాగామ్‌లో వీడియోలు పోస్టు చేశారు. ప్రస్తుతం ఆ దృశ్యాలు సోషల్ మీడియాలో చక్కర్లు కొడుతున్నాయి.
అనంత్ అంబానీ పెళ్లి కోసం శ్లోకా అంబానీకి డిజైనర్లు అబు జానీ, సందీప్ ఖోస్లా స్పెషల్‌గా డ్రస్‌ తయారు చేశారు. ఇందుకు సంబంధించిన ఫొటోలను డిజైనర్లు ఇన్‌స్టాగ్రామ్‌లో పంచుకున్నారు. ప్రకృతి మరియు జంతువుల పట్ల అనంత్‌కు ఉన్న అభిరుచికి నివాళులు అర్పిస్తూ శ్లోకా కోసం వస్త్రాలను అందంగా తీర్చిదిద్దినట్లు వెల్లడించారు.
ఇక శనివారం ముంబై వేదికగా డ్యాన్స్ ప్రోగ్రాం జరగనుంది. ఇందుకోసం దేశ, విదేశాల నుంచి 60 మంది స్పెషల్ డ్యాన్సర్లను తీసుకొచ్చారు. ఆదివారం మాత్రం రిసెప్షన్ కార్యక్రమం జరగనుంది. ఈ కార్యక్రమానికి అతిరథ మహరథులంతా మళ్లీ హాజరుకానున్నారు.