Ram Gopal Varma: రేణుకాస్వామి హత్య కేసులో కన్నడ స్టార్ దర్శన్‌పై ఆర్జీవీ సంచలన వ్యాఖ్యలు..

Ram Gopal Varma: కన్నడ స్టార్ హీరో దర్శన్, తన వీరాభిమానిని అత్యంత దారుణంగా హత్య చేయించిన సంఘటన దేశవ్యాప్తంగా సంచలనంగా మారింది.33 ఏళ్ల రేణుకా స్వామి అనే వ్యక్తిని తన తన అభిమానులు, బౌన్సర్లతో దాడి చేయించడంతో అతను మరణించాడు. భార్య ఉన్నప్పటికీ, నటి పవిత్ర గౌడతో దర్శన్ సహజీవనం చేస్తున్నారు. ఈ నేపథ్యంలోనే తన అభిమాన నటుడు దర్శన్‌ సంసారాన్ని పవిత్ర గౌడ దెబ్బతీసిందనే కోపంతో రేణుకా స్వామి సోషల్ మీడియా వేదికగా విమర్శలు గుప్పించడంతోనే ఈ హత్య చోటు చేసుకుంది. ఈ కేసులో ఇప్పటికే పవిత్ర గౌడతో పాటు దర్శన్‌ని పోలీసులు అరెస్ట్ చేశారు.

Read Also: lucky Bhaskar : దుల్కర్ “లక్కీ భాస్కర్” మ్యూజికల్ ప్రమోషన్స్ పై స్పెషల్ అప్డేట్..

ఇదిలా ఉంటే ప్రముఖ డైరెక్టర్ రామ్ గోపాల్ వర్మ దర్శన్‌ని ఉద్దేశించి సంచలన వ్యాఖ్యలు చేశారు. ‘‘ ఒక స్టార్ హీరో తన వ్యక్తిగత జీవితంలో జోక్యం చేసుకున్న డై హార్డ్ అభిమానిని చంపడానికి మరో డై హార్డ్ ఫ్యాన్‌ని ఉపయోగించడం స్టార్ ఆరాధన సిండ్రోమ్‌కి ఒక ఉదాహరణ’’ అని ట్వీట్ చేశారు. ‘‘అభిమానులు తమ అభిమాన స్టార్స్ తమ జీవితాలను ఎలా నడపాలి అని ఆర్డర్ చేయాలనునకోవడం ఈ సిండ్రోమ్ యొక్క అనివార్యమైన దుష్ప్రభావం’’ అని అన్నారు. అయితే ఆర్జీవీ ఎవరి పేరును డైరెక్ట్‌గా పేర్కొనలేదు.

33 ఏళ్ల రేణుకా స్వామి దర్శన్‌కి వీరాభిమాని. అయితే, తన అభిమాన హీరో, పవిత్ర గౌడతో సహజీవనం చేస్తుండటంపై తరుచూ సోషల్ మీడియా వేదికగా విమర్శలు చేశారు. దీంతోనే అతడిని చిత్రదుర్గ నుంచి బెంగళూర్ రప్పించి దాడి చేసినట్లు తెలుస్తోంది. రేణుకా స్వామి హత్యకు కారణమైన నలుగురిలో ఇద్దరికి దర్శన్ ఒక్కొక్కరికి రూ. 5 చెల్లించినట్లు తెలుస్తోంది. ఈ కేసులో తాజా పరిణామం ప్రకారం, దర్శన్ సన్నిహితుడు నాగరాజ్ మరియు సహ నటుడు ప్రదోష్‌లను పోలీసులు అరెస్టు చేశారు. దర్శన్ వ్యవహారాలన్నీ నాగరాజ్ చూసుకున్నాడని పోలీసు వర్గాలు తెలిపాయి. మైసూరులోని నటుడి ఫామ్‌హౌస్‌ను కూడా అతను చూసుకున్నాడు. బాధితుడిని బెల్ట్, కర్రలతో దాడి చేశారు. ఈ కేసులో దర్శన్, పవిత్రతో పాటు 10 మందిని పోలీసులు అదుపులోకి తీసుకున్నారు.

A star using one die hard fan to kill another die hard fan who was interfering in his personal life is a fit example of the bizarreness of the star worship syndrome ..Fans wanting to order how their stars should run their lives is a unavoidable side effect of the same syndrome

— Ram Gopal Varma (@RGVzoomin) June 13, 2024