Rahul Gandhi: ఢిల్లీ ఎందుకు నిర్బంధంలో ఉంది.. శాంతియుత నిరసనను ఎందుకు అడ్డుకుంటున్నారు?

ఢిల్లీ ఎందుకు నిర్బంధంలో ఉందని ప్రతిపక్ష నేత, కాంగ్రెస్ అగ్ర నేత రాహుల్ గాంధీ ప్రశ్నించారు. ఢిల్లీలో రాహుల్ గాంధీ మీడియాతో మాట్లాడారు. ఢిల్లీలో 30 వేల మంది పోలీసులతో ప్రజలను ఎందుకు అడ్డుకుంటున్నారని నిలదీశారు. ‘‘ప్రజలను ఢిల్లీకి రాకుండా అడ్డుకుంటున్నారు… రైళ్లు, బస్సులను నిలిపివేస్తున్నారు.. ఢిల్లీని ఒక దుర్గంలా మార్చేశారు. ప్రతిచోటా పోలీసులు ఉన్నారు.’’ అని తెలిపారు.

ప్రధాన ఎన్నికల కమిషనర్ జ్ఞానేష్ కుమార్‌ను ప్రభుత్వం కాపాడుతోందని ఆరోపించారు. పోలీసులు కూడా చాలా అసంతృప్తిగా ఉన్నారని లిపారు. యువకులను ఎందుకు కొడుతున్నారని ఢిల్లీ పోలీసులు, సీఆర్పీఎఫ్, ఐటీబీపీలలోనే ప్రశ్నలు తలెత్తుతున్నాయని పేర్కొన్నారు. 50 శాతం పోలీసులు తనతో ఉన్నారని, తాను చేస్తున్నది సరైనదేనని చెబుతున్నారని తెలిపారు. న్యాయం దక్కే వరకు మా పోరాటం ఆగదని పేర్కొన్నారు. ఎన్ని రోజులైనా పోరాటం చేస్తామని తెలిపారు. సీఈసీ జ్ఞానేష్ కుమార్‌పై సుప్రీంకోర్టులో పిటిషన్ వేస్తామని చెప్పారు.

సోమవారం మధ్యాహ్నం విపక్ష నేతలు సుప్రీంకోర్టుకు పాదయాత్ర చేయనున్నారు. సీఈసీ జ్ఞానేష్ కుమార్ రాజీనామా చేయాలంటూ ప్రతిపక్షం డిమాండ్ చేస్తోంది. రాజీనామా చేసేదాకా పోరాటం ఆగదని శపధం చేస్తున్నాయి.