మహిళకు మధ్యవేలు చూపించినందుకు ఆరునెలల జైలుశిక్ష

మహిళకు మధ్య వేలు చూపించిన 33 ఏళ్ల వ్యక్తికి ముంబైలోని ఓ కోర్టు ఆరునెలల జైలు శిక్ష విధించింది. వివరాల్లోకి వెళ్తే.. 2018, సెప్టెంబర్ 17న ముంబైలో ఓ మహిళ, తన కుమారుడితో కలిసి కారులో ఆఫీసుకు వెళ్తుండగా వారు క్యాడ్‌బరీ జంక్షన్‌కు చేరుకున్న సమయంలో అకస్మాత్తుగా ఎడమ వైపు నుంచి ఓ రెడ్ కలర్ కారు తమ ముందుకు దూసుకువచ్చింది. దీంతో మహిళ ప్రయాణిస్తున్న కారు 100 మీటర్ల వరకు డివైడర్‌ మీదకు దూసుకెళ్లింది. అలా మహిళ కారు ఎలాగోలా మళ్లీ రోడ్డుపైకి చేరుకుని ఓ సిగ్నల్ దగ్గరకు వచ్చి ఆగింది.

Read Also: నిద్ర లేచింది ‘పురుష లోకం’.. సమంత సాంగ్ పై కేసు

అదే సమయంలో వెనుక నుంచి వచ్చిన కారు ఓవర్ టేక్ చేయడానికి ప్రయత్నించి మహిళ కారు పక్కనే ఆగింది. అయితే సదరు మహిళ కారు అడ్డదిడ్డంగా రోడ్డుపైకి వచ్చిందని ఆ కారులోని డ్రైవర్ 33 ఏళ్ల అనికేత్ పాటిల్ అనే వ్యక్తి దుర్భాషలాడుతూ పారిపోయేందుకు ప్రయత్నించాడు. దీంతో మహిళ కుమారుడు తమ కారును అడ్డుపెట్టడంతో ట్రాఫిక్ ఆగిపోయింది. ఈ నేపథ్యంలో ట్రాఫిక్ పోలీస్ సీన్‌లోకి ఎంటరయ్యాడు. మహిళను గందేవి పోలీసు స్టేషన్‌కు తీసుకెళ్లారు.

అయితే రోడ్డు మీద జరిగిన వాదనలో పాటిల్ తనకు మధ్యవేలు చూపిస్తూ అసభ్యకరంగా ప్రవర్తించాడని మహిళ పోలీసులకు ఫిర్యాదు చేసింది. దీంతో సెక్షన్స్ 354ఏ, 345 డీ, సెక్షన్స్ 509 ప్రకారం కేసులు నమోదు చేశారు. ప్రతి మహిళకు సమాజంలో డిగ్నిటీతో బతికే హక్కు ఉందని,,. వారి ప్రాథమిక హక్కులకు భంగం కలిగేంచాలే ఏం చేసినా సమాజానికి తప్పుడు సందేశం అందుతుందని ముంబైలోని గిర్గావ్ మెజిస్ట్రేట్ కోర్టు తీర్పు అభిప్రాయపడింది. నిందితుడు చేసిన పని వల్ల అతడికి ఆరునెలల జైలుశిక్ష విధించింది.