Lufthansa Airlines: హైదరాబాద్ నుంచి జర్మనీ ఫ్రాంక్‌ఫర్ట్‌కి డైరెక్ట్ ఫ్లైట్ ప్రారంభం..

Lufthansa Airlines: తెలుగు రాష్ట్రాల నుంచి జర్మనీ వెళ్లే ప్రయాణికులకు గుడ్ న్యూస్. లుఫ్తాన్సా ఎయిర్‌లైన్స్ హైదరాబాద్ నుంచి జర్మనీలోని ఫ్రాంక్‌ఫర్ట్‌కి డైరెక్ట్ ఫ్లైట్ ప్రారంభించింది. జనవరి 17 నుంచి ఈ ఫ్లైట్ అందుబాటులోకి వచ్చింది. హైదరాబాద్‌ని ప్రపంచానికి అనుసంధానం చేయడం, వాణిజ్యం కోసం గ్లోబల్ హబ్‌గా మార్చడానికి ఇది సహకరిస్తుందని GMR హైదరాబాద్ అంతర్జాతీయ విమానాశ్రయం ఓ ప్రకటనలో తెలిపింది.

Read Also: Delhi: ఢిల్లీలో కమ్ముకున్న పొగమంచు.. పలు విమానాలు రద్దు.. రైళ్లు ఆలస్యం..

వారంలో ఐదు రోజులు(సోమవారం, మంగళవారం, బుధవారం, గురువారం మరియు శనివారం) LH753 ఫ్లైట్ హైదరాబాద్ నుంచి 01:55 గంటలకు బయలుదేరి 07:05 గంటలకు ఫ్రాంక్‌ఫర్ట్ చేరుకుంటుంది. తిరుగు ప్రయాణంలో LH752 విమానం ఫ్రాంక్‌ఫర్ట్ నుండి 10:55 గంటలకు బయలుదేరి 23.55 గంటలకు హైదరాబాద్ చేరుకుంటుంది. ఇటీవల కాలంలో భారత్ నుంచి ఉత్తర అమెరికాకు ప్రయాణించే వారిలో 40 శాతం మంది యూరప్ విమానాశ్రయాలను ట్రాన్సిట్ హబ్స్‌గా ఎంచుకుంటున్నారు. ఇలాంటి వారికి లుఫ్తాన్సా ఫ్లైట్స్ సరిగ్గా సరిపోనుంది.