LPG Booking Rules 2026: ఇరాన్-ఇజ్రాయెల్ యుద్ధం ఏమో కానీ.. భారత్లో పెట్రో, గ్యాస్ కొరత ఏర్పడింది.. దేశవ్యాప్తంగా LPG గ్యాస్ వినియోగదారుల మధ్య ఇటీవల బుకింగ్ గడువులపై గందరగోళం నెలకొంది. సోషల్ మీడియాలో LPG సిలిండర్ రీఫిల్ బుకింగ్ టైమ్లైన్స్ మారాయని వార్తలు వైరల్ కావడంతో ప్రజల్లో అనుమానాలు పెరిగాయి. అయితే ఈ విషయంపై కేంద్ర ప్రభుత్వం స్పష్టత ఇచ్చింది. ప్రస్తుతం అమలులో ఉన్న నిబంధనల్లో ఎలాంటి మార్పులు చేయలేదని ప్రకటించింది. కేంద్రం ప్రకారం, LPG రీఫిల్ బుకింగ్ గడువులు యథావిధిగా కొనసాగుతున్నాయి. పట్టణ ప్రాంతాల్లో వినియోగదారులు 25 రోజుల తర్వాత సిలిండర్ రీఫిల్ బుకింగ్ చేసుకోవచ్చు. అదే విధంగా గ్రామీణ ప్రాంతాల్లో ఈ గడువు 45 రోజులు ఉంటుంది.
Read Also: Jeevan Reddy: కాంగ్రెస్ పార్టీకి జీవన్రెడ్డి రాజీనామా.. రేవంత్రెడ్డి మీద పోరాటం చేస్తానంటూ శపథం..
ఇటీవల సోషల్ మీడియాలో ప్రచారం అవుతున్నట్లు కొత్త కఠిన నిబంధనలు అమలులోకి వచ్చాయని చెప్పడం పూర్తిగా అసత్యమని కేంద్రం పేర్కొంది. గ్యాస్ సరఫరా వ్యవస్థలో ఎలాంటి మార్పులు లేవని, వినియోగదారులు ఈ తరహా తప్పుడు వార్తలను నమ్మకూడదని సూచించింది. అందువల్ల LPG వినియోగదారులు అధికారిక సమాచారాన్ని మాత్రమే విశ్వసించాలని, సోషల్ మీడియాలో వచ్చే వదంతులను పక్కన పెట్టాలని కేంద్రం విజ్ఞప్తి చేసింది.. దీంతో, సోషల్ మీడియాలో వైరల్ అవుతున్న కథనాలు ఫేక్ అని తేలిపోవడంతో.. గ్యాస్ వినియోగదారులకు కాస్త ఊరట దక్కినట్టు అయ్యింది..
Clarification: LPG Refill Booking Timings
Reports circulating in sections of the news and on social media about changes in LPG refill booking norms are incorrect.
There is no change in LPG refill booking norms.
• Minimum gap between two refill bookings remains:
– 25 days in… pic.twitter.com/QqTlQYPaHp— Ministry of Petroleum and Natural Gas #MoPNG (@PetroleumMin) March 25, 2026
