Jio Recharge: యూజర్లకు జియో షాక్.. రీఛార్జ్ ధరల పెరిగే ఛాన్స్..!

Jio Recharge: రిలయన్స్ జియో తన వినియోగదారులకు షాక్ ఇచ్చే అవకాశం కనిపిస్తోంది. జియో మొబైల్ రీఛార్జ్ ప్లాన్‌ల ధరలు పెంచే అవకాశం ఉందని బ్రోకరేజ్ సంస్థ సెంట్రమ్ బ్రోకింగ్ అంచనా వేసింది. రాబోయే మూడు నాలుగు నెలల్లో టారిఫ్‌లను 12 శాతం పెంచొచ్చనని పేర్కొంది. అయితే, ధరల పెంపుపై ఇప్పటి వరకు జియో అధికారికంగా ఎలాంటి ప్రకటన చేయలేదు.

టెలికాం కంపెనీలు యూజర్ల నుంచి వచ్చే సగటు ఆదాయాన్ని పెంచుకోవాలని చూస్తున్నాయి. దీనిని యావరేజ్ రెవెన్యూ పర్ యూజర్ (ARPU)గా టెలికాం సంస్థలు వ్యవహరిస్తుంటాయి. సెంట్రల్ బ్రోకింగ్ నివేదిక ప్రకార.. జియో 2026-27 ఆర్థిక సంవత్సరం తొలి త్రైమాసికంలో ARPU రూ. 215.6గా నమోదైంది. గతేడాది ఇదే కాలంలో ఇది రూ. 208.8గా ఉంది. జియో చందాదారుల సంఖ్య 533.3 మిలియన్లకు చేరుకుందని నివేదిక తెలిపింది. వినియోగదారుల నెలవారీ డేటా వినియోగం కూడా గతేడాది 37GB నుంచి 43.7GBకు పెరిగినట్లు తెలిపింది.

వీడియో స్ట్రీమింగ్, ఆన్లైన్ గేమింగ్, సోషల్ మీడియా, డిజిటల్ వినియోగం పెరగడంతో టెలికాం నెట్వర్క్ డేటా డిమాండ్ పెరుగుతోంది. ఈ నేపథ్యంలో టెలికాం కంపెనీలు తమ ఆదాయాన్ని పెంచుకోవాలని భావిస్తు్న్నాయి. ఈ పెరుగుదల కేవలం జియోకు మాత్రమే పరిమితం కాదని, ఇతర టెలికాం సంస్థలు కూడా రాబోయే 5 నెలల్లో తమ టారిఫ్‌లను పెంచే అవకాశం ఉందని నివేదిక చెబుతోంది. దాదాపు 12-15 శాతం పెరుగొచ్చని అంచనా వేస్తోంది.