Prashant Kishor: అమెరికాలోని బీహారీ కమ్యూనిటీ ప్రజలను ఉద్దేశించి ప్రసంగించిన జన్ సూరజ్ పార్టీ కన్వీనర్ ప్రశాంత్ కిషోర్ మాట్లాడుతూ.. బీహార్ నిజంగానే విఫల రాష్ట్రం.. దీని సర్వతోముఖాభివృద్ధికి కృషి చేయాల్సి ఉందని పేర్కొన్నారు. 2025లో బీహార్‌లో జరగనున్న అసెంబ్లీ ఎన్నికల్లో తమ పార్టీ మంచి పని తీరు కనబరుస్తుందని ఆయన ధీమా వ్యక్తం చేశారు. 2025 బీహార్ అసెంబ్లీలో విజయం సాధించిన తర్వాత మద్యంపై నిషేధాన్ని ఎత్తివేస్తాం.. దాని ద్వారా వచ్చే ఆదాయాన్ని పాఠశాల విద్యను మెరుగుపరచడానికి ఉపయోగిస్తామని చెప్పుకొచ్చారు. అలాగే, బీహార్ చాలా దారుణమైన పరిస్థితిలో ఉందని ప్రశాంత్ కిషోర్ పేర్కొన్నారు.
Read Also: Sri Durga Bogeswara Swamy Temple: శివలింగాన్ని తాకిన సూర్యకిరణాలు.. భక్తులకు కనువిందు!
ఇక, బీహార్ ప్రజల్లో రాజకీయాలపై సరైన అవగాహన లేదని ప్రశాంత్ కిషోర్ చెప్పుకొచ్చారు. ఇక్కడి ప్రజలు అన్ని అంశాలపై దృష్టి పెట్టకపోతే.. జీవించడం చాలా కష్టం అవుతుందన్నారు. గత రెండున్నరేళ్లుగా మేం చేస్తున్న కృషి చేస్తున్నాం.. కానీ, ఎన్నికల ఫలితాలుగా మార్చేందుకు సమయం పడుతుంది అని తెలిపారు. ఎవరైనా ఈ మిషన్‌లో చేరాలనుకుంటే.. వారు ఐదు-ఆరేళ్లపాటు కట్టుబడి ఉండాలి అని సూచించారు.
Read Also: IND vs AUS: ఒంటరిపోరాటం చేస్తున్న ట్రావిస్ హెడ్.. విజయానికి చేరువలో భారత్
కాగా, జన్ సూరజ్ పార్టీ ప్రభుత్వాన్ని ఏర్పాటు చేస్తే 2029-30 నాటికి మధ్య తరగతి ఆదాయ రాష్ట్రంగా మారుతుందని ప్రశాంత్ కిషోర్ అన్నారు. ప్రస్తుతం ఇది అభివృద్ధి ప్రమాణాలకు అనుగుణంగా లేదన్నారు. ప్రధాని మోడీ, నితీశ్‌ కుమార్‌లను ప్రజలు విశ్వసించారు.. కానీ, తాను పార్టీ పెట్టిన రెండు నెలలకే 70 వేల ఓట్లు వచ్చాయని చెప్పుకొచ్చారు. మేము సరైన దిశలో పయనిస్తున్నట్లు అనిపిస్తుంది.. బీహార్ ఉప ఎన్నికల్లో పీకే నలుగురు అభ్యర్థులను నిలబెట్టారు. ఒక్క సీటు కూడా గెలవలేకపోయింది. నలుగురిలో ముగ్గురి కనీసం డిపాజిట్ కూడా దక్కించుకోలేకపోయారు.