దేశంలో 15 ఏళ్లు పైబడిన వారి నిరుద్యోగ రేటు ఏప్రిల్లో 5.2 శాతానికి పెరిగింది. ఇది గత ఆరు నెలల్లో అత్యధిక స్థాయి. మార్చిలో ఈ రేటు 5.1 శాతంగా ఉంది. దీనికి ముందు అక్టోబర్ 2025లో అత్యధికంగా 5.2 శాతం నమోదైంది. Ministry of Statistics and Programme Implementation విడుదల చేసిన Periodic Labour Force Survey ప్రకారం, పట్టణ ప్రాంతాల్లో నిరుద్యోగ రేటు మార్చిలో 6.8% నుండి ఏప్రిల్లో 6.6%కి తగ్గగా, గ్రామీణ ప్రాంతాల్లో ఇది 4.3% నుండి 4.6%కి పెరిగింది. దేశవ్యాప్తంగా 374,243 మంది నుండి సేకరించిన డేటా ఆధారంగా ఈ సర్వే నిర్వహించారు.
మహిళల నిరుద్యోగం
మార్చిలో 5 శాతం ఉండగా, ఏప్రిల్లో అది 5.1 శాతానికి పెరిగింది. గ్రామీణ పురుషుల నిరుద్యోగం 4.4 శాతం నుంచి 4.7 శాతానికి పెరగగా, పట్టణ నిరుద్యోగం 6.1 శాతం నుంచి 5.9 శాతానికి తగ్గింది. మహిళల నిరుద్యోగం మార్చిలో 5.3 శాతం నుంచి 5.4 శాతానికి పెరిగింది.
గ్రామీణ మహిళల నిరుద్యోగం 4.4 శాతానికి పెరగగా, పట్టణ మహిళల నిరుద్యోగం 8.5 శాతానికి తగ్గింది. గత ఏడాది ఏప్రిల్ తర్వాత ఇదే అత్యల్ప స్థాయి. మహిళల భాగస్వామ్య నిష్పత్తి ( డబ్ల్యూపీఆర్), అంటే పనిచేసే జనాభా నిష్పత్తి, మార్చిలోని 52.6 శాతం నుంచి ఏప్రిల్లో 52.2 శాతానికి తగ్గింది. పట్టణ ప్రాంతాల్లో ఇది 46.8 శాతం వద్ద స్థిరంగా ఉండగా, గ్రామీణ ప్రాంతాల్లో 54.9 శాతానికి తగ్గింది.
కార్మిక శక్తి భాగస్వామ్య రేటు (ఎల్ఎఫ్పిఆర్) మార్చిలో 55.4 శాతం నుండి ఏప్రిల్లో 55 శాతానికి తగ్గింది. ఇది గ్రామీణ ప్రాంతాల్లో 57.5 శాతంగా, పట్టణ ప్రాంతాల్లో 50.1 శాతంగా నమోదైంది. 15 ఏళ్లు, అంతకంటే ఎక్కువ వయస్సు గల మహిళల కార్మిక శక్తి భాగస్వామ్య రేటు మార్చిలో 34.4 శాతం నుండి ఏప్రిల్ 2026 నాటికి 33.9 శాతానికి తగ్గింది. గ్రామీణ మహిళల ఎల్ఎఫ్పిఆర్ 38.2 శాతంగా, పట్టణ మహిళలది 25 శాతంగా ఉంది.