Smoking Beedi On Flight: విమానంలో మొదటిసారిగా ప్రయాణిస్తున్న వ్యక్తి, నిబంధనలు తెలియక బీడీ తాగాడు. దీంతో అరెస్ట్ అయ్యాడు. అహ్మదాబాద్ నుంచి బెంగళూర్ వెళ్తున్న ఆకాశ ఎయిర్ విమానంలో ఈ ఘటన చోటు చేసుకుంది. రాజస్థాన్ మార్వార్ ప్రాంతానికి చెందిన 56 ఏళ్ల ప్రవీణ్కుమార్ అనే వ్యక్తి మంగళవారం అహ్మదాబాద్లో విమానం ఎక్కాడు. విమానం గాలిలో ఉండగా.. మరుగుదొడ్డికి వెళ్లిన అతను అక్కడ బీడీ తాగాడు.
Read Also: Bride Left Wedding Ceremony: మూడు ముళ్లు పడగానే.. పెళ్లి పీటలపై నుంచి వెళ్లిపోయిన వధువు
దీన్ని గుర్తించిన విమాన సిబ్బంది వెంటనే అతడిని అదుపులోకి తీసుకుంది. బెంగళూర్ లోని కెంపెగౌడ విమానాశ్రయంలో విమానం దిగగానే భద్రతా సిబ్బందికి సమాచారం ఇవ్వడంతో అతడిని అరెస్ట్ చేశారు. ప్రస్తుతం అతడిని బెంగళూర్ సెంట్రల్ జైలుకు పంపారు. విమానంలో ఇ-సిగరేట్, స్మోకింగ్ నిషేధం. అయితే తాను నిత్యం రైలులో ప్రయాణిస్తుంటానని, టాయిలెట్ లో పొగతాగుతానని, విమానంలో కూడా ఇలాగే చెయొచ్చని భావించానని, నిబంధనలు తెలియవని నిందితుడు పోలీసులకు వెల్లడించారు. ఇతర ప్రయాణికుల ప్రాణాలను ప్రమాదంలో నెట్టివేసిన కారణంగా ఆయనపై కేసులు నమోదు చేశారు. ఈ ఏడాది ప్రారంభంలో కూడా విమానంలో సిగరేట్ కాల్చినందుకు ఇద్దరు వ్యక్తుల్ని అరెస్ట్ చేశారు.