West Bengal: “వాడికి ఇదే సరైన శిక్ష”.. అత్యాచారం-హత్య కేసు నిందితుడి మృతదేహాన్ని స్వీకరించడానికి నిరాకరించిన తల్లి
- బరుయిపూర్లో 11 ఏళ్ల బాలికపై అత్యాచారం
- ప్రధాన నిందితుడిగా ఆరోపణలు ఎదుర్కొన్న ప్రభాస్ మండల్ పోలీసు ఎన్కౌంటర్లో మృతి
- నిందితుడి మృతదేహాన్ని స్వీకరించడానికి నిరాకరించిన తల్లి
- Follow Us :
-
-
Add as a preferred
source on google
West Bengal Rape-Murder Case: పశ్చిమ బెంగాల్లోని బరుయిపూర్లో 11 ఏళ్ల బాలికపై అత్యాచారం చేసి హత్య చేసిన కేసులో ప్రధాన నిందితుడిగా ఆరోపణలు ఎదుర్కొన్న ప్రభాస్ మండల్ పోలీసు ఎన్కౌంటర్లో మరణించిన అనంతరం, అతని తల్లి చేసిన వ్యాఖ్యలు చర్చనీయాంశంగా మారాయి. తన కుమారుడు చేసిన పనులకు తగిన శిక్ష అనుభవించాడని పేర్కొంటూ, అతని మృతదేహాన్ని స్వీకరించబోనని ఆమె స్పష్టం చేశారు.
“అతను చేసిన పనికి శిక్ష అనుభవించాడు”
మీడియాతో మాట్లాడిన నిందితుడి తల్లి, పోలీసులు తెల్లవారుజామున తమ ఇంటికి వచ్చి తన కుమారుడు మరణించిన విషయాన్ని తెలియజేశారని చెప్పారు. ఆమె మాట్లాడుతూ, “నా భర్త అనారోగ్యంతో ఉన్నాడు. నేను ఆసుపత్రికి వెళ్లలేనని పోలీసులకు చెప్పాను. వాళ్లు ఏం చేయాలనుకుంటే అది చేసుకోవచ్చు. నా కుమారుడు చేసిన పనులకు శిక్ష అనుభవించాడు. నేను అతని మృతదేహాన్ని స్వీకరించను. ఇంటికి కూడా తీసుకురాను. అతను మంచి పని చేయలేదు. తప్పు చేశాడు, దానికి తగిన శిక్ష పొందాడు” అని పేర్కొన్నారు.
Also Read
- Rahul Gandhi: రాజకీయాల్లో మోడీ ప్రత్యేకం.. రాహుల్ గాంధీ ఆసక్తికర వ్యాఖ్యలు.!
- Bihar Robbery: బీహార్లో పట్టపగలే భారీ దోపిడీ.. గోల్డ్ షోరూమ్లో కోట్ల విలువైన నగలు చోరీ!
- UP Elections 2027: యూపీ ఎన్నికలు.. కాంగ్రెస్కు షాక్ ఇవ్వనున్న అఖిలేశ్? 24 సీట్లే ఆఫర్ చేసే ఛాన్స్
- MP Govt: ప్రభుత్వ ఉద్యోగులకు భారీ ఊరట.. 'ఇద్దరు పిల్లల నిబంధన'ను ఎత్తివేసిన మధ్యప్రదేశ్ ప్రభుత్వం..
ఎన్కౌంటర్లో నిందితుడి మృతి
బరుయిపూర్ అత్యాచారం, హత్య కేసులో భాగంగా నేరస్థలాన్ని సీన్ రీ-కన్ స్ట్రక్షన్ ప్రక్రియలో ప్రభాస్ మండల్ను పోలీసులు సంఘటనా స్థలానికి తీసుకెళ్లారు. పోలీసుల కథనం ప్రకారం, ఆ సమయంలో నిందితుడు ఓ పోలీసు అధికారి వద్ద ఉన్న ఆయుధాన్ని లాక్కొని పారిపోవడానికి ప్రయత్నించాడని, పోలీసు బృందంపై కాల్పులు జరిపాడని ఆరోపించారు. దీంతో ఆత్మరక్షణలో పోలీసులు ఎదురుకాల్పులు జరపగా ప్రభాస్ మండల్ గాయపడ్డాడు. అనంతరం ఆసుపత్రికి తరలించగా వైద్యులు అతను మరణించినట్లు ప్రకటించారు. దర్యాప్తు సందర్భంగా ప్రభాస్ మండల్ విచారణ అధికారులను తప్పుదోవ పట్టించాడని, కేసు దర్యాప్తుకు పూర్తిగా సహకరించలేదని పోలీసులు తెలిపారు.
సంచలనం సృష్టించిన బాలిక హత్య కేసు
జూలై 4న అదృశ్యమైన 11 ఏళ్ల బాలిక మృతదేహం మరుసటి రోజు సూర్యపూర్ హాట్ ప్రాంతంలోని ఓ చెరువులో లభ్యమైంది. బాలికపై అత్యాచారం చేసి హత్య చేసిన అనంతరం మృతదేహాన్ని సంచిలో పెట్టి చెరువులో పడేసినట్లు పోలీసులు ఆరోపిస్తున్నారు.
ప్రజల్లో ఆగ్రహం
ఈ ఘటన పశ్చిమ బెంగాల్లో తీవ్ర ఆగ్రహానికి దారితీసింది. స్థానికులు బరుయిపూర్- జయనగర్ రహదారిని దిగ్బంధించి నిరసన వ్యక్తం చేశారు. కొన్ని ప్రాంతాల్లో టైర్లను దహనం చేయడంతో పాటు పోలీసు వాహనాలను ధ్వంసం చేసిన ఘటనలు కూడా చోటుచేసుకున్నాయి. నిందితులను వెంటనే అరెస్టు చేసి కఠినంగా శిక్షించాలని స్థానికులు డిమాండ్ చేశారు.
దర్యాప్తు కొనసాగుతోంది
ఎన్కౌంటర్కు సంబంధించిన పరిస్థితులు, మొత్తం ఘటనపై సంబంధిత అధికారులు దర్యాప్తు కొనసాగిస్తున్నారు. ఎన్కౌంటర్కు సంబంధించిన పూర్తి వివరాలు అధికారిక విచారణ అనంతరం మరింత స్పష్టమయ్యే అవకాశం ఉంది.
- Tags
- Baruipur
- West Bengal
తాజావార్తలు
-
Koti Deepotsavam 2026 : కోటి దీపోత్సవంలో నేడు విశేష ఘట్టం.. శ్వేతార్క గణపతి కల్యాణం
-
Gopichand: విలన్గా గోపీచంద్ రీ-ఎంట్రీ? అసలు నిజం బయటపెట్టిన టీమ్!
-
IPL 2027: KKR వాటా విక్రయానికి రంగం సిద్ధం.. 400 మిలియన్ డాలర్లకు భారీ డీల్..
-
Aus Vs Eng: ఆస్ట్రేలియాను చిత్తు చేసిన ఇంగ్లాండ్.. 2-1తో వన్డే సిరీస్ కైవసం..
-
Healthy Vegetarian Recipes: గుమ్మడికాయ అంటే ముఖం చిట్లిస్తున్నారా? రెస్టారెంట్ స్టైల్లో ఇలా చేసి చూడండి.. మెతుకు వదలరు!
-
Ukraine: ‘‘పుతిన్ను బుజ్జగించడం కన్నా ఇలా చేయండి’’..ట్రంప్, జిన్పింగ్లకు ఉక్రెయిన్ విజ్ఞప్తి
ట్రెండింగ్
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!
-
India Wholesale Inflation: సామాన్యుడి నడ్డి విరుస్తున్న నిత్యావసరాల ధరలు.. నాలుగేళ్ల గరిష్టానికి టోకు ద్రవ్యోల్బణం!
-
38 గంటల బ్యాటరీ బ్యాకప్, IP57 రేటింగ్, 11mm డ్రైవర్లతో Xiaomi Clip Earbuds లాంచ్..!
-
21 రోజుల బ్యాటరీ లైఫ్, 150కి పైగా స్పోర్ట్స్ మోడ్ Xiaomi Watch S5 41mm వచ్చేసింది..! Smart Band 11 కూడానూ..