CBSE Single Girl Child Scholarship: విద్యార్థులకు రూ. 24 వేల స్కాలర్‌షిప్‌ ఇస్తున్న కేంద్రం.. ఇలా అప్లై చేసుకోండి

సరస్వతీ కటాక్షం ఉండి లక్ష్మీ కటాక్షం లేక చాలా మంది చదువుకు దూరమవుతున్నారు. ప్రతిభ ఉండి కూడా డబ్బులు లేక పై చదువులు చదవలేకపోతున్నారు. కుటుంబ ఆర్థిక పరిస్థితుల కారణంగా చదువులకు స్వస్థి చెప్పి పనులకు వెళ్తున్నారు. దీనికి తోడు నేటి రోజుల్లో చదువుకోవాలంటే చదువు కొనుక్కోవాలనే పరిస్థితా తలెత్తింది. ఈ నేపథ్యంలో ప్రభుత్వాలు, కార్పోరేట్ సంస్థలు స్కాలర్ షిప్స్ అందిస్తూ అండగా నిలుస్తున్నాయి. ఈ క్రమంలో కేంద్ర ప్రభుత్వం విద్యార్థులకు గుడ్ న్యూస్ అందించింది. రూ. 24 వేల స్కాలర్ షిప్ ఇచ్చేందుకు రెడీ అయ్యింది.

సెంట్రల్ బోర్డ్ ఆఫ్ సెకండరీ ఎడ్యుకేషన్ ప్రతి సంవత్సరం స్కాలర్ షిప్ అందిస్తోంది. అయితే ఈ స్కాలర్ షిప్ విద్యార్థులందరికీ కాదండోయ్. పేరెంట్స్ కు ఏకైక సంతానంగా కూతురు ఉన్న విద్యార్థినులకు ఇస్తారు. ఈ ఏడాది కూడా సీజీఎస్ఈ సింగిల్ గర్ల్ చైల్డ్ స్కాలర్ షిప్ 2024 కు ప్రకటన రిలీజ్ చేసింది. ఈ స్కాలర్ షిప్ పొందేందుకు విద్యార్థినులు తల్లిదండ్రులకు ఏకైక కూతురు అయి ఉండాలి. సీబీఎస్ఈలో టెన్త్ పాసై ఉండాలి. సీబీఎస్ఈ అనుబంధ పాఠశాలలో పదకొండు, పన్నెండు తరగతి చదువుతూ ఉండాలి. టెన్త్ లో 70 శాతం మార్కులు సాధించి ఉండాలి.

విద్యార్థిని ట్యూషన్ ఫీజు రూ. 2500కంటే మించకూడదు. అర్హత, ఆసక్తి ఉన్నవారు ఫిబ్రవరి 8 వరకు అప్లై చేసుకోవచ్చు. ఈ స్కాలర్ షిప్ కు ఎంపికైన వారికి రెండు సంవత్సరాల పాటు నెలకు రూ. వెయ్యి చొప్పున అందిస్తారు. అంటే మొత్తంగా రూ. 24 వేలు వస్తుంది. అయితే విద్యార్థినులు 11వ తరగతి తర్వాత ప్రతి ఏటా రెన్యూవల్ చేసుకోవాల్సి ఉంటుంది. ఇందుకోసం విద్యార్థిని 50 శాతం మార్కులు సాధించి ఉండాలి. సింగిల్ గర్ల్ చైల్డ్ విద్యార్థినులు ఈ స్కాలర్ షిప్ కు సంబంధించిన పూర్తి వివరాలను ఈ లింక్ పై క్లిక్ చేసి తెలుసుకోవచ్చు. అప్లై చేసుకునేందుకు ఈ లింక్ పై క్లిక్ చేయండి.