ఉత్తరప్రదేశ్‌లోని ప్రయాగ్‌రాజ్‌లో మహా కుంభ్ వేదిక దగ్గర బుధవారం తెల్లవారుజామున జరిగిన తొక్కిసలాటలో 30 మంది మరణించారని యూపీ పోలీసు అధికారి వైభవ్ కృష్ణ తెలిపారు. మౌని అమావాస్య సందర్భంగా బుధవారం భారీగా భక్తులు తరలివచ్చారు. దీంతో ప్రయాగ్‌రాజ్‌లో తీవ్ర తొక్కిసలాట జరిగింది. ఇప్పటి వరకు 30 మంది చనిపోగా.. 25 మృతదేహాలను గుర్తించామని, 60 మంది గాయపడ్డారని పోలీసు అధికారి వైభవ్ కృష్ణ తెలిపారు. చాలా మంది భక్తులు ఆస్పత్రి పాలయ్యారు.
ఇది కూడా చదవండి: Bengaluru: బెంగళూరులో అగ్నిప్రమాదం.. 150 వాహనాలు దగ్ధం
తొక్కిసలాటకు ముందే చాలా మంది బారికేడ్లు బద్దలు కొట్టారని డిప్యూటీ ఇన్‌స్పెక్టర్ జనరల్ (డీఐజీ) కృష్ణ చెప్పారు. దీంతో గందరగోళం జరిగి తొక్కిసలాటకు కారణమైనట్లుగా పేర్కొన్నారు. తాము రెండు బస్సుల్లో 60 మంది కుంభమేళాకు వచ్చినట్లు కర్ణాటక వాసి తెలిపారు. అకస్మాత్తుగా గుంపు తోసుకురావడంతో చాలా మంది కింద పడిపోయారన్నారు. కొంత మంది కావాలనే నెట్టినట్టుగా కనిపించిందన్నారు. ఈ కొంత మంది నవ్వుతూ కనిపించారన్నారు. పిల్లలున్నారు.. దయ చూపమని అడిగినా కనికరించలేదని వాపోయాడు.
ఇది కూడా చదవండి: AATT: జనవరి 31న తెలుగు టీవీ ఆర్టిస్టుల సంఘం ఎన్నికలు.. జీఎస్ హరి ప్యానెల్ మేనిఫెస్టో ఇదే!