Kanatha Kaanom OTT Release : తమిళ నటుడు యోగి బాబు ప్రధాన పాత్రలో తెరకెక్కిన కామెడీ మూవీ ‘కేనతా కానోమ్’. థియేటర్లలో రిలీజ్ అయిన మూడు నెలలకు ఈ మూవీ డిజిటల్ స్ట్రీమింగ్ కు వచ్చింది. థియేటర్లలో చూడని వాళ్ళు ఇప్పుడు ఓటీటీలో చూసేయచ్చు. 2026 మార్చి 13న థియేటర్లలో విడుదలైన ‘కేనతా కానోమ్’ మూవీ జూన్ 16 నుంచి జియోహాట్స్టార్లో స్ట్రీమింగ్ అవుతోంది. ఈ మూవీ తెలుగుతో పాటు పలు భాషల్లో అందుబాటులోకి వచ్చింది. ఈ చిత్రానికి దర్శకత్వం వహించిన సురేష్ సంగయ్యకు తమిళ సినీ పరిశ్రమలో ప్రత్యేక గుర్తింపు ఉంది. దురదృష్టవశాత్తూ ఆయన ఇక లేరు. అయితే ‘కేనతా కానోమ్’ రూపంలో ఆయన మరోసారి ప్రేక్షకులను ఆలోచింపజేసే ప్రయత్నం చేశారు.
సోషల్ అంశాలను సెటైరకల్ పంచ్ లతో కలిపి చెప్పే ఆయన శైలి ఈ చిత్రంలో కూడా కనిపిస్తుంది. ఈ సినిమాలో యోగి బాబు తన కామెడీ టైమింగ్తో ఆకట్టుకున్నారు. ఆయనతో పాటు లవ్లీన్ చంద్రశేఖర్, రైచల్ రబెక్కా, జార్జ్ మేరియన్, రామకృష్ణన్ కీలక పాత్రల్లో నటించారు. ఆర్బి టాకీస్ బాక్స్ ఆఫీస్ స్టూడియో నిర్మించిన ఈ చిత్రం భారీ కమర్షియల్ హిట్ కాకపోయినా, కంటెంట్ పరంగా తనకంటూ ప్రత్యేక గుర్తింపు సంపాదించింది. ఇప్పుడు అసలు పరీక్ష ఓటీటీ వేదికపైనే. థియేటర్లలో మిశ్రమ స్పందన అందుకున్న ‘కేనతా కానోమ్’ డిజిటల్ ప్రేక్షకులను ఎంతవరకు ఆకట్టుకుంటుందన్నది ఆసక్తికరంగా మారింది. ఇటీవలి కాలంలో చాలా సినిమాలు థియేటర్ల కంటే ఓటీటీలో మంచి ఆదరణ పొందుతున్నాయి. అదే విధంగా ఈ సినిమా కూడా ప్రేక్షకులకు కనెక్ట్ అయితే విశేషమే. ఇప్పుడు ఈ సినిమా ఓటీటీ ప్రేక్షకుల నుంచి ఎలాంటి స్పందన అందుకుంటుందో చూడాలి.