Attahaasam : వెంకటేష్ మహా కమర్షియల్ సినిమా అట్టహాసం.. హిట్టు కొడతాడో లేదో

కేరాఫ్ కంచరపాలెం దర్శకుడు వెంకటేష్ మహా ఇటీవల రావ్ బహదూర్ తో దర్శకుడిగా ప్లాప్ అందుకున్నాడు. సినిమా బాగుంది అనే కామెంట్స్ వచ్చాయి కానీ వసూళ్లు మాత్రం రాలేదు. దాంతో ఈసారి రూటుమార్చి కమర్షియల్ పంథాలోకి వచ్చాడు. తన బ్లాక్‌బస్టర్ చిత్రం ‘కేరాఫ్ కంచరపాలెం’ పుట్టిన విశాఖపట్నం నేల నేపథ్యంలో ఓ సినిమాను తెరకెక్కించబోతున్నాడు. ఈ కొత్త చిత్రానికి ‘అట్టహాసం’ అనే ఆసక్తికరమైన టైటిల్‌ను ఖరారు చేశారు. రూటెడ్ హ్యూమన్ ఎంటర్‌టైనర్ ‘అట్టహాసం’ చిత్రానికి సంబంధించిన అధికారిక వివరాలను మేకర్స్ వెల్లడించారు.

ఈ చిత్రంలో ‘కేరాఫ్ కంచరపాలెం’ ఫేమ్ కార్తీక్ రత్నం, ‘పుష్ప’ ఫేమ్ పావని కరణం ప్రధాన పాత్రల్లో నటిస్తున్నారు. వీరితో పాటు దర్శకుడు వెంకటేశ్ మహా స్వయంగా నటిస్తుండగా, సోషల్ మీడియా ఇన్ఫ్లుయెన్సర్ స్రవంతి పెపకాయల కూడా ముఖ్య పాత్రలో కనిపించనున్నారు. ఈ చిత్రాన్ని చింతా గోపాలకృష్ణ రెడ్డి మరియు రాజశేఖర్ రెడ్డి నిర్మిస్తుండగా, స్మరన్ సంగీతాన్ని అందిస్తున్నారు. ఎంతో ఆసక్తి రేకెత్తిస్తున్న ఈ సహజమైన భావోద్వేగాల ప్రయాణాన్ని సమ్మర్ 2027లో ప్రేక్షకుల ముందుకు తీసుకువచ్చేందుకు నిర్మాతలు సన్నాహాలు చేస్తున్నారు. ‘కేరాఫ్ కంచరపాలెం’ అందించిన అనుభూతిని ఈ సినిమా కూడా ప్రతిబింబిస్తుందని మేకర్స్ ధీమా వ్యక్తం చేస్తున్నారు. ప్రయోగాలతో కాస్త నిరాశచెందిన వెంకటేష్ మహా ఈ సారి ఎలాగైన కమర్షియల్ సక్సెస్ కొట్టాలని అట్టహాసంగా వస్తున్నాడు. మరి ఈ సినిమా ఈ దర్శకుడికి కమర్షియల్ హిట్ ఇస్తుందో లేదో చూడాలి.