Veena Srivani: వేణుస్వామి భార్య ట్యాలెంట్ ను చూశారా.. మతిపోవాల్సిందంతే

Veena Srivani: ప్రముఖ జ్యోతిష్కుడు వేణుస్వామి గురించి అందరికీ తెల్సిందే. సినీ సెలబ్రిటీల జాతకాల గురించి చెప్తూ.. దోషాలు ఉన్న హీరోయిన్ల చేత పూజలు, యాగాలు, దోష నివారణలు చేయిస్తూ ఉంటాడు. మొదట్లో ఈయన చెప్పిన జాతకాలను ఎవరు నమ్మలేదు. కానీ, సామ్- చై విడాకుల విషయంలో వేణుస్వామి చెప్పింది నిజం కావడంతో ఆయన ఒక్కసారిగా ఫేమస్ అయ్యాడు. ఇక ప్రస్తుతం చాలా మంది సెలబ్రిటీలకు ఆస్థాన జ్యోతిష్కుడుగా మారిపోయాడు. ఇకపోతే వేణుస్వామినే కాదు ఆయన భార్య కూడా ఒక సెలబ్రిటీ అన్న విషయం తెలుసా.. ? ఆమె పేరు శ్రీవాణి. వీణ కళాకారిణిగా ఆమెకు ఎంతో మంచి పేరు ఉంది. అందరు ఆమెను వీణ శ్రీవాణి అని పిలుస్తారు. ఎలాంటి సాంగ్ ను అయినా కూడా ఆమె వీణ మీద వాయిస్తూ సంగీత అభిమానులను ఫిదా చేయగలదు. ఎన్నో నేషనల్, ఇంటర్నేషనల్ వేదికలపై శ్రీవాణి తన కళను ప్రదర్శించింది.

ఇక తాజాగా ఆమె అల్లు అర్జున్ కు నేషనల్ అవార్డ్ రావడంతో తనదైన రీతిలో పుష్ప చిత్ర బృందానికి శుభాకాంక్షలు తెలిపింది. వీణపై శ్రీవల్లి సాంగ్ ను ప్లే చేస్తూ అల్లు అర్జున్ కు.. దేవి శ్రీ ప్రసాద్ కు శుభాకాంక్షలు తెలిపింది.
“ప్రతిష్టాత్మక జాతీయ అవార్డును గెలుచుకున్నందుకు.. అల్లు అర్జున్ గారికి, దేవి శ్రీ ప్రసాద్ గారికి ఈ పాట ద్వారా నా శుభాకాంక్షలు తెలియజేస్తున్నాను..” అంటూ ఆమె చెప్పుకొచ్చింది. ప్రస్తుతం ఈ సాంగ్ నెట్టింట వైరల్ గా మారింది. ఇక వేణుస్వామి జాతకాలు ఏమో కానీ.. మీ సంగీతానికి మాత్రం ఫిదా అవుతున్నామని అభిమానులు కామెంట్స్ పెట్టుకొస్తున్నారు.

My heartiest congratulations to @alluarjun, @Sukumar garu and @ThisIsDSP for winning prestigious National award for ‘Pushpa’. Am sending my best wishes to the team through this song💐💐💐 pic.twitter.com/9J4Pxj2pQJ

— Veena Srivani (@veenasrivani) August 25, 2023