“గని” కొత్త రిలీజ్ డేట్ ఫిక్స్
- Follow Us :
-
-
Add as a preferred
source on google
మెగా ప్రిన్స్ వరుణ్ తేజ్ ఎంతో ఆసక్తిగా ఎదురు చూస్తున్న స్పోర్ట్స్ ఫిల్మ్ “గని” చిత్రం కొత్త విడుదల తేదీని మేకర్స్ తాజాగా విడుదల చేశారు. ఈ చిత్రం డిసెంబర్ 24న విడుదల కావాల్సి ఉంది. అయితే ముందు ‘పుష్ప’, తోడుగా ‘శ్యామ్ సింగ రాయ్’ నుంచి పోటీ గట్టిగా ఉండడంతో పక్కకు తప్పుకున్నాడు “గని”. సోలోగా రావడమే సో బెటర్ అని అలోచించి కొత్త విడుదల తేదీని నిర్ణయించుకున్నారు. ఈ మేరకు కొత్త పోస్టర్ తో పాటు న్యూ రిలీజ్ డేట్ ను కూడా అనౌన్స్ చేశారు.
2022 మార్చి 18న ఈ మూవీ గ్రాండ్ థియేట్రికల్ రిలీజ్‌కు సిద్ధంగా ఉందని మేకర్స్ ఈరోజు ప్రకటించారు. వరుణ్ తేజ్ పూర్తిగా కొత్త లుక్‌లో కన్పించడం సినిమాపై ఇప్పటికే హైప్‌ని సృష్టించింది. ఈ చిత్రంలో వరుణ్ బాక్సర్‌గా నటిస్తున్నాడు. “గని”కి కిర‌ణ్ కొర్రపాటి రచించి, దర్శకత్వం వహించారు. రెనైసాన్స్ పిక్చర్స్, అల్లు బాబీ కంపెనీ బ్యానర్‌లపై సిద్ధు ముద్దా, అల్లు బాబీ సినిమాను సంయుక్తంగా నిర్మించారు. ఈ చిత్రాన్ని అల్లు అరవింద్ సమర్పిస్తున్నారు. ఈ చిత్రంలో వరుణ్ తేజ్ టైటిల్ క్యారెక్టర్‌లో కన్పిస్తుండగా, సాయి మంజ్రేకర్, జగపతి బాబు, ఉపేంద్ర, సునీల్ శెట్టి, నవీన్ చంద్ర కీలకపాత్రల్లో నటించారు. సంగీతం తమన్ అందిస్తున్నాడు.