Pawan Kalyan: ఇక ఆ రెండు సినిమాలు ఎన్నికలయ్యాకే.. కానీ ఓజీ మాత్రం సంక్రాంతి బరిలోకి?

Ustaad Bhagat Singh and Hari Hara Veera Mallu to resume shoot after AP assembly polls: పవన్ కళ్యాణ్ ఒకపక్క సినిమాలు చేస్తూనే మరోపక్క రాజకీయాల్లో కూడా బిజీబిజీగా గడుపుతున్నారు పవన్ కళ్యాణ్. ఆయన చేతుల్లో ప్రస్తుతం హరిహర వీరమల్లు, ఉస్తాద్ భగత్ సింగ్, ఓజీ సినిమాలు ఉన్నాయి. అయితే హరిహర వీరమల్లు, ఉస్తాద్ భగత్ సింగ్ సినిమాల షూట్ ఇప్పట్లో ఉండే అవకాశాలు కనిపించడం లేదు. నిజానికి ఈ ఉస్తాద్ భగత్ సింగ్ అనేది పవన్ – హరీష్ శంకర్ కాంబినేషన్లో తెరకెక్కుతున్న క్రేజీ ప్రాజెక్ట్. గబ్బర్ సింగ్ సినిమా తర్వాత వీరి కాంబినేషన్లో వస్తున్న సినిమా కావడంతో ఈ సినిమాపై మంచి అంచనాలే ఉన్నా ఎక్కువ రోజులు షూట్ కూడా జరగలేదు.

Movies Releasing this week: ఈ వారం థియేటర్‌/ఓటీటీలలో సందడి చేయనున్న సినిమాలివే!

కేవలం రెండు షెడ్యూల్స్ షూట్ జరిగగా ఓ పది శాతం షూటింగ్ అయి ఉంటుందని అంచనా. ఇక వచ్చే సంవత్సరమే ఏపీలో ఎలక్షన్స్ ఉండటంతో పవన్ కళ్యాణ్ తన రాజకీయ యాత్రలతో బిజీగా ఉండడంతో పవన్ డేట్స్ ఇవ్వలేకపోతున్నారు. OGకి సుమారు 20 రోజులు పవన్ డేట్స్ ఇస్తే షూటింగ్ అయిపోతుంది కాబట్టి ఎలాగైనా ఈ సినిమాకి డేట్స్ ఇస్తారు కానీ ఉస్తాద్ అసలు షూటింగ్ చేయాలంటే చాలా డేట్స్ ఇవ్వాల్సి ఉంటుంది. హరిహరవీరమల్లు కోసం కూడా మేకోవర్ అవ్వాలి కాబట్టి ఆ సినిమాకి కూడా డేట్స్ ఇచ్చే పరిస్థితి కనిపంచడం లేదు. ఒకవేళ ఏపీలో ఎలక్షన్స్ అయ్యాక అప్పటి పరిస్థితిని బట్టి ఈ సినిమాల షూటింగ్స్ ఉండొచ్చని అంటున్నారు.