Urvashi Rautela: బాలీవుడ్ హాట్ బ్యూటీ ఊర్వశి రౌతేలా.. టాలీవుడ్ ఐటెం సాంగ్ హీరోయిన్ గా మారిపోయింది. వాల్తేరు వీరయ్య చిత్రంలో బాస్ పార్టీ అంటూ ఎంట్రీ ఇచ్చి.. అదరగొట్టిన ఈ ముద్దుగుమ్మ.. ఇక మొదటి సాంగ్ తోనే వరుస అవకాశాలు అందుకుంది. వెంటనే ఏజెంట్ సినిమాలో మెరిసిన ఈ బ్యూటీ.. ఆ తరువాత పవన్ – తేజ్ కాంబోలో వస్తున్న బ్రో సినిమాలో ఐటెం సాంగ్ ఛాన్స్ కొట్టేసి ఔరా అనిపించింది. ఇప్పటికే సాంగ్ షూట్ ను కూడా పూర్తిచేసిన ఈ ముద్దుగుమ్మ తాజాగా మరో పాన్ ఇండియా సినిమాలో ఐటెం సాంగ్ ఛాన్స్ పట్టేసింది. పుష్ప 2 లో ఈ చిన్నది ఐటెం సాంగ్ చేస్తుందని పుకార్లు వినిపిస్తున్నాయి. పుష్ప లో సమంత చేసిన సాంగ్.. ఇప్పటికి ఓ రేంజ్ లో రికార్డులు సృష్టిస్తూనే ఉంది. ఇక దాన్ని మించి పుష్ప 2 లో ఉండాలని అభిమానులు కోరుతున్నారు. అందుకు తగ్గట్టుగానే సుకుమార్, అల్లు అర్జున్ సైతం ప్లాన్ చేస్తున్నారు. ఈ నేపథ్యంలోనే ఊర్వశిని ఎంపిక చేసినట్లు తెలుస్తోంది.
Salaar – DJ Crossover: సలార్ రాఖీ భాయ్‌ని కలిస్తే ఇలా ఉంటుందా? ఇదెక్కడి మాస్ క్రాస్ ఓవర్ మావా?
ఇక ఈ సినిమా కోసం ఈ చిన్నది భారీగానే అందుకుంటున్నదట. దాదాపు మూడు నిముషాలు ఉండే సాంగ్ కోసం అమ్మడు రూ. 6 కోట్ల వరకు ఛార్జ్ చేస్తుందని టాక్ నడుస్తోంది. ఒక్క సాంగ్ కు అన్ని కోట్లు మాములు విషయం కాదు. టైర్ 2 హీరోల సినిమాల్లో నటించే హీరోయిన్ కూడా అంతకన్నా తక్కువే తీసుకుంటుంది. దీంతో అభిమానులు అవాక్కవుతున్నారు. అంత ఇచ్చి ఆమెను తీసుకురావడానికి కారణం ఏంటి..? ఇంకెవరు దొరకలేదా.. ? అంటూ మండిపడుతున్నారు. మరి ఈ వార్తలో నిజం ఎంత అనేది తెలియాల్సి ఉంది.