కోలివుడ్ స్టార్ హీరో అజిత్ కి ఎంత ఫ్యాన్ ఫాలోయింగ్ ఉందో చెప్పక్కర్లేదు. ప్రజెంట్ ఆయన ‘విదా ముయార్చి’ అనే సినిమాలో నటిస్తున్నాడు. మగిళ్ తిరుమేని దర్శకత్వం వహించిన ఈ సినిమాలో త్రిష హీరోయిన్గా నటించింది. లైకా ప్రోడక్షన్స్ బ్యానర్పై సుభాస్కరన్ నిర్మించారు. దీంతో పాటుగా ‘గుడ్ బ్యాడ్ అగ్లీ’ అనే మరో సినిమాలో కూడా నటిస్తున్నాడు. అధిక్ రవిచంద్రన్ దర్శకత్వంలో మైత్రీ మూవీ మేకర్స్ పతాకంపై నవీన్ ఎర్నేని, రవి శంకర్ ఈ చిత్రాన్ని నిర్మిస్తున్నారు. ఈ మూవీ లో కూడా త్రిషా నే హీరోయిన్ గా నటిస్తోంది. వాస్తవానికి ‘విదాముయార్చి’ పొంగల్ కానుకగా జానవరి 10న వరల్డ్ వైడ్ గా రిలీజ్ కావాల్సి ఉంది. కానీ అనుకోని కారణాల వలన ఈ సినిమా రిలీజ్ ను వాయిదా వేశారు మేకర్స్.
Also Read : Venky : ‘సంక్రాంతికి వస్తున్నాం’ మూవీ రన్టైమ్ లాక్
అయితే తాజాగా అజిత్ ఇచ్చిన ఓ స్టేట్మెంట్ ఫ్యాన్స్ ను నిరుత్సహ పరిచింది. అజిత్ కి సినిమాలకంటే ఎక్కువగా రేసింగ్ అంటే ఇష్టం అని గతంలో అనేక సార్లు చెప్పారు. తాజగా ఓ ఇంగ్లీష్ మీడియాతో మాట్లాడుతూ ‘ప్రజెంట్ నేను ఇంటర్నేషనల్ కార్ రేసింగ్ పోటీలు లో పాల్గోంటున్నాను. అది ముగిసేవరకు సినిమాల్లో నటించను. 18వ యేట నుంచి రేసింగ్ పోటీల్లో పాల్గొంటున్నాను. సినిమా షూటింగ్ కారణంగా ఈ రేసింగ్ పోటీల్లో పాల్గొనడం వీలుపడం లేదు. వచ్చే సెప్టెంబరులో కార్ రేసింగ్ పోటీలు జరుగనున్నాయి. అందుకే అప్పటి వరకు సినిమా షూటింగ్ కి బ్రేక్ ఇచ్చాను’ అని అన్నారు. తమ హీరో సినిమాలకు దూరంగా ఉంటానని చెప్పడంతో ఫ్యాన్స్ ఆందోళన చెందుతున్నారు.
