Gopichand: ”పిల్లా నువ్వులేని జీవితం, ఈడోరకం-ఆడోరకం” వంటి హాస్య ప్రధాన చిత్రాలతో రచయితగా తనకంటూ ఓ గుర్తింపు తెచ్చుకున్న డైమాండ్ రత్నబాబు ఇటీవల దర్శకుడిగానూ మారాడు. ‘బుర్రకథ, సన్నాఫ్ ఇండియా’ చిత్రాలను తెరకెక్కించాడు. తాజాగా హిలేరియస్ ఎంటర్ టైనర్ ‘అన్ స్టాపబుల్’ను రూపొందించాడు. ‘అన్ లిమిటెడ్ ఫన్’ అన్నది ఉపశీర్షిక. బిగ్ బాస్ విన్నర్ విజె సన్నీ, సప్తగిరి హీరోలుగా నటిస్తున్న ఈ చిత్రంలో నక్షత్ర, అక్సాఖాన్ హీరోయిన్లు. రజిత్ రావు ఈ చిత్రాన్ని నిర్మిస్తున్నారు. ఇప్పటికే విడుదలైన ‘అన్ స్టాపబుల్’ టీజర్‌ కు చక్కని స్పందన లభించింది.
తాజాగా ‘అన్ స్టాపబుల్’ మ్యూజికల్ ప్రమోషన్స్ ని మొదలుపెట్టారు మేకర్స్. ధమాకా కంపోజర్ భీమ్స్ సిసిరోలియో సంగీతం అందిస్తున్న ఈ చిత్రంలోని ఫస్ట్ సింగిల్ ‘బుల్ బుల్ అన్ స్టాపబుల్’ ని మాచో స్టార్ గోపీచంద్ లాంచ్ చేశారు. ఈ పాటని ఫుట్ ట్యాపింగ్ డ్యాన్సింగ్ నెంబర్ గా కంపోజ్ చేశారు భీమ్స్. ఆస్కార్ విన్నర్ రాహుల్ సిప్లిగంజ్ తో కలసి భీమ్స్ ఈ పాటని ఎనర్జిటిక్ గా పాడారు. కాసర్ల శ్యామ్ అందించిన సాహిత్యం క్యాచిగా వుంది. విజె సన్నీ, సప్తగిరి చేసిన మాస్ మూమెంట్స్ ఆకట్టుకున్నాయి. బిత్తిరి సత్తి , షకలక శంకర్, పృథ్వీ, డిజే టిల్లు మురళి, సూపర్ విమన్ లిరీషా, రాజా రవీంద్ర, పోసాని, చమ్మక్ చంద్ర, విరాజ్ ముత్తంశెట్టి, గీతా సింగ్, రోహిణి, రూపలక్ష్మీ, మణి చందన, విక్రమ్ ఆదిత్య, రఘుబాబు, ఆనంద్ చక్రపాణి తదితరులు ఇందులో కీలక పాత్రలు పోషించారు. అతి త్వరలోనే ఈ సినిమా విడుదల కానుంది.
