The Soul Of Satya: సోల్ ఆఫ్ సత్య.. హృదయాన్ని హత్తుకునేలా ఉందే

The Soul Of Satya: మెగా మేనల్లుడు సాయి ధరమ్ తేజ్, కలర్స్ స్వాతి జంటగా ఒక మ్యూజిక్ ఆల్బమ్ లో నటించారు. ఆ ఆల్బమ్ పేరే సత్య. ఈ సాంగ్ కు నటుడు నరేష్ కొడుకు నవీన్ విజయ్ కృష్ణ దర్శకత్వం వహిస్తున్నాడు. నవీన్, తేజ్ ఎంత మంచి ఫ్రెండ్స్ అనేది అందరికి తెల్సిందే. నవీన్ చెప్పిన కాన్సెప్ట్ నచ్చడంతో తేజ్ ఈ సాంగ్ చేయడానికి ఒప్పుకున్నట్లు సమాచారం. ఇప్పటికే ఈ మ్యూజిక్ ఆల్బమ్ నుంచి రిలీజ్ అయిన పోస్టర్స్ ప్రేక్షకులను విశేషంగా ఆకట్టుకున్నాయి.

Guntur Kaaram: బిగ్ బ్రేకింగ్.. మహేష్ ఫ్యాన్స్ కు గుడ్ న్యూస్
తాజాగా ఈ సాంగ్ ప్రోమోను మేకర్స్ రిలీజ్ చేశారు. సాంగ్ ప్రోమో చాలా అద్భుతంగా ఉంది. తేజ్- స్వాతిల పెళ్లి షాట్స్ తో ప్రోమో మొదలయ్యింది. దేశ సరిహద్దులో దేశం కోసం.. సైనికులు ప్రాణాలు అర్పిస్తున్నారు. అది తెలిసి కూడా తమ భర్తలను.. భార్యలు దేశం కోసం పంపిస్తున్నారు. నిజమైన సైనికులు వీరు అంటూ తెలిపే ఒక కాన్సెప్ట్ తో ఈ మ్యూజిక్ ఆల్బమ్ తెరకెక్కింది. ఈ ఫుల్ సాంగ్ ను స్వాతంత్య్ర దినోత్సవ సందర్భంగా ఆగస్టు 15 న రిలీజ్ చేయనున్నట్లు మేకర్స్ తెలిపారు. భర్త దేశం కోసం యుద్ధం చేస్తుంటే.. భార్య ఇంటివద్ద అతని జ్ఞాపకాలతో ఎలా యుద్ధం చేసింది..? అనేది ఎంతో హృద్యంగా చూపించనున్నారు. ఇక ఈ సాంగ్ కు శృతి రంజని సంగీతం అందించడమే కాకుండా.. సాంగ్ కూడా పాడింది. సాంగ్ ప్రోమో చూస్తూనే అద్భుతంగా ఉంది.. మరి ఫుల్ సాంగ్ ఏ రేంజ్ లో మెప్పిస్తుందో చూడాలి.