Thalapathy Vijay Son Jason Sanjay Directorial Debut with Lyca Productions : తమిళ స్టార్ హీరోలలో ఒకరైన తలపతి విజయ్ మరోసారి అనూహ్యంగా వార్తల్లోకి ఎక్కారు. అయితే ఈసారి ఆయన కుమారుడి కారణంగా వార్తల్లో నిలిచారు. ఈ మధ్యకాలంలో స్టార్ హీరోల కుమారులందరూ హీరోలుగా మారుతూ ఉంటే విజయ్ కుమారుడు జేసన్ సంజయ్ మాత్రం డైరెక్టర్ గా మారుతున్నారు. లైకా ప్రొడక్షన్స్ సంస్థ నిర్మాణంలో జేసన్ సంజయ్ దర్శకత్వంలో ఒక సినిమా తెరకెక్కబోతున్నట్లుగా తెలుస్తోంది. తాజాగా అందుకు సంబంధించిన అగ్రిమెంట్లు పూర్తి కాగా ఈ విషయాన్ని లైకా ప్రొడక్షన్స్ సంస్థ అధికారికంగా ప్రకటించింది. అయితే మరో ఆసక్తికరమైన విషయం ఏమిటంటే ఈ సినిమాకి హీరో అజిత్ మేనేజర్ శరత్ చంద్ర కూడా సహ నిర్మాతగా వ్యవహరించబోతూ ఉండడమే. అయితే ఈ విషయాన్ని అధికారికంగా ప్రకటించలేదు కానీ లైకా ప్రొడక్షన్స్ షేర్ చేసిన ఫోటోలతో పాటు శరత్ చంద్ర పేరు, ఆయన పిఆర్ ఏజెన్సీ పేరు కూడా మెన్షన్ చేశారు. అయితే ఈ సినిమాకి ఆయన పిఆర్ మేనేజర్ గా వ్యవహరించబోతున్నారా లేక సహ నిర్మాతగా వ్యవహరించబోతున్నారా అనేది తెలియాల్సి ఉంది.
Armaan Malik: ఎట్టకేలకు ఎంగేజ్మెంట్ చేసుకున్న స్టార్ సింగర్.. అమ్మాయి ఎవరంటే?
అయితే ఈ సినిమాలో హీరో హీరోయిన్ లేదా ఇతర నటీనటులకు సంబంధించి ఎలాంటి వివరాలు వెల్లడించలేదు. అయితే తమిళ సోషల్ మీడియాలో మాత్రం ఒక ఆసక్తికరమైన చర్చ జరుగుతోంది. అది ఏమిటంటే ఈ సినిమాలో విక్రమ్ కుమారుడు ధ్రువ విక్రమ్ హీరోగా నటించే అవకాశం ఉందని ఏఆర్ రెహమాన్ కుమారుడు ఏఆర్ అమీన్ సంగీత దర్శకుడిగా వ్యవహరించే అవకాశం ఉందని అంటున్నారు. నిజానికి విజయ్ తండ్రి చంద్రశేఖర్ గతంలో దర్శకుడిగా పలు హిట్ సినిమాలు తెరకెక్కించారు. తమిళంలోనే కాదు తెలుగులో సైతం ఆయన పలు సినిమాలకు దర్శకత్వం వహించారు. ఇప్పుడు సంజయ్ తన తండ్రి బాటలో కాకుండా తాత బాటలో నడుస్తూ ఉండడంతో తాత లెగసీ కంటిన్యూ చేయబోతున్నాడా అనే చర్చ కూడా జరుగుతోంది. అంతేకాక తండ్రి హీరో కావడంతో తండ్రిని డైరెక్ట్ చేసే అవకాశం ఉందా అని చర్చ కూడా జరుగుతోంది. అయితే ఈ చర్చలన్నింటికీ బ్రేకులు పడాలంటే లైకా ప్రొడక్షన్స్ సంస్థ ఈ సినిమాకు సంబంధించిన నటీనటుల విషయాన్ని అధికారికంగా ప్రకటిస్తే తప్ప సాధ్యమయ్యేలా కనిపించడం లేదు.
We are beyond excited 🤩 & proud 😌 to introduce #JasonSanjay in his Directorial Debut 🎬 We wish him a career filled with success & contentment 🤗 carrying forward the legacy! 🌟#LycaProductionsNext #JasonSanjayDirectorialDebut @SureshChandraa @DoneChannel1 @gkmtamilkumaran… pic.twitter.com/wkqGRMgriN
— Lyca Productions (@LycaProductions) August 28, 2023
