Krishna: సూపర్ స్టార్ కృష్ణ తీరని కోరికలు.. ఇన్ని ఉన్నాయా..?

Krishna: సూపర్ స్టార్ కృష్ణ నేటి ఉదయం మృతి చెందిన విషయం విదితమే. ఆయన మరణంతో చిత్ర పరిశ్రమలో విషాదం నెలకొంది. ఒక లెజెండ్ ను టాలీవుడ్ కోల్పోయింది. ఘట్టమనేని కుటుంబం మొత్తం శోకసంద్రంలో మునిగిపోయింది. నటశేఖర నుంచి సూపర్ స్టార్ గా కృష్ణ ఎదిగిన వైనం ఎంతోమందికి ఆదర్శప్రాయం. వివాదాలు లేని నటుడు, ప్రయోగాలకు కేరాఫ్ అడ్రెస్స్ కృష్ణ. ఇక జీవితంలో ఎన్నో ఒడిదుడుకులను చూసిన కృష్ణ జీవితంలో కూడా తీరని కోరికలు ఉన్నాయట.. ఒకటి కాదు నాలుగు కోరికలను మనుసులో ఉంచుకొని మృతిచెందారు కృష్ణ.. అవేంటంటే.. కొడుకులతో కలిసి నటించాలని ప్రతి తండ్రికి ఉండే కోరికే. అయితే ఆ కోరిక.. కృష్ణ చిన్నప్పుడే నెరవేరింది. రమేష్ బాబు, మహేష్ బాబులతో కలిసి కృష్ణ ఎన్నో సినిమాల్లో నటించారు. కాగా మహేష్ కొడుకు గౌతమ్ తో నటించాలని కృష్ణ ఆశపడ్డారట.

వన్ నేనొక్కడినే తరవాత మహేష్ సినిమాలో గౌతమ్ తో పాటు ఆయన కూడా కలిసి నటించాలని కోరుకున్నారట. అంటే మనం లో ఎలా అయితే అన్ని తారలు ఉన్నాయో.. అలాగే కృష్ణ కూడా మనవడు, కొడుకుతో నటించాలనుకున్నాడట. కానీ, ఆ కోరిక తీరలేదు. ఇక కృష్ణకు చిన్నతనం నుంచో హోస్ట్ గా చేయడం ఇష్టమట.. హిందీలో అమితాబ్ చేస్తున్న కౌన్ బనేగా కరోడ్ పతి లాంటి టాక్ షోను తెలుగులో తీసుకొచ్చి హోస్ట్ చేయాలని అనుకున్నారట. ఆ కోరిక కూడా నెరవేరలేదు. ఇక ఎన్నో పౌరాణిక పాత్రల్లో కనిపించిన కృష్ణకు ఛత్రపతి శివాజీ పాత్రలో కనిపించాలని ఉండేదట.. కానీ కథ మంచిది దొరక్కపోవడంతో వెనకడుగు వేశారట. ఇక ఈ కోరిక అందరికి తెల్సిందే.. సూపర్ స్టార్ మహేష్ బాబును జేమ్స్ బాండ్ గా చూడాలనుకున్నారు. కానీ, మహేష్ టక్కరి దొంగ ప్లాప్ కావడంతో మరోసారి అలాంటి పాత్రలు చేయడానికి మహేష్ నిరాకరించడంతో ఆ ఆశ కూడా నిరాశగా మిగిలిపోయింది. ఏదిఏమైనా ఈ కోరికలు అంత పెద్దవి ఏమికావు . కొంచెం రిస్క్ చేసినా కృష్ణ అన్ని కోరికలు నెరవేర్చుకొనేవారు అని అంటున్నారు అభిమానులు .