Sunny Leone : స’రసాల’ సన్నీ లియోన్!
- Follow Us :
-
-
Add as a preferred
source on google
శృంగార తారగా కోట్లాది మంది మదిని దోచిన సన్నీ లియోన్ వెండితెరపైనా తనదైన బాణీ పలికించింది. నీలి చిత్రాలతో కుర్రకారును కిర్రెక్కించిన సన్నీ లియోన్, సినిమాల్లోనూ తన అందచందాలతో ఆకట్టుకుంది. ఈ నీలి సుందరి చిత్రసీమలో అడుగుపెడుతున్న సమయంలో పలు విమర్శలు వినిపించాయి. అన్నిటినీ చిరునవ్వుతో పక్కకు నెట్టి, బిగ్ స్క్రీన్ పైనా, తన అందంతో హిందోళం పాడించింది సన్నీ లియోన్. ఈ నాటికీ ఎంతోమంది రసికాగ్రేసరుల శృంగార రసాధిదేవతగా జేజేలు అందుకుంటూనే ఉంది సన్నీ లియోన్.
కెనడాలో 1981 మే 13న కన్నుతెరచిన సన్నీలియోన్ కు భారతీయ మూలాలున్నాయి. ఆమె అసలు పేరు కరెన్ జిత్ కౌర్ వోహ్రా. బాల్యం నుంచీ అందరిలోనూ తన ప్రత్యేకతను చాటుకోవాలన్న తపనతో ఉండేది సన్నీ. కరెన్ జిత్ పేరును ‘సన్నీ’గా మార్చుకొని స్టేజ్ పై మెరుపులు మెరిపించింది. సన్నీ బోల్డ్ గా నటించడమే కాదు, ఏదీ దాచుకోకుండా చెప్పేస్తుంది. పదకొండేళ్ళ ప్రాయంలో తొలిముద్దు రుచి చూశానని చెప్పిన సన్నీ లియోన్ 16వ ఏట ఓ బాస్కెట్ బాల్ ప్లేయర్ తో తొలిసారి శారీరక సుఖం అనుభవించానని చెబుతుంది. తనలో స్వలింగసంపర్క అభిలాష కూడా ఉందని అంగీకరించింది. వైద్యవృత్తిలో రాణించాలని నర్స్ కోర్సు చదివింది. కానీ, తన 19వ యేట పోర్న్ మూవీస్ లో నటించడానికి సిద్ధమయింది. అప్పటి నుంచీ పలు నీలి చిత్రాలలో సన్నీ లియోన్ అందచందాలతో ఆకట్టుకుంది. 2004లో సన్నీ లియోన్ ‘ద గర్ల్ నెక్ట్స్ డోర్’ సినిమాతో తొలిసారి మెయిన్ స్ట్రీమ్ లో అడుగు పెట్టింది. ఆ తరువాత నుంచీ నీలి చిత్రాల్లో నటిస్తున్నా ఆమె మనసు ఫీచర్ ఫిలిమ్స్ లో నటించడానికి ఉవ్విళ్లూరింది. తన పూర్వికులకు చెందిన భారతదేశంలో నటిగా తన సత్తా చాటాలనుకుంది. ‘జిస్మ్-2’తో తొలిసారి బాలీవుడ్ లో అడుగుపెట్టింది. ‘షూటవుట్ ఎట్ వాడాలా’లో “లైలా….” సాంగ్ లో సన్నీ లియోన్ భలేగా మురిపించింది. “జాక్ పాట్, రాగిణి ఎమ్.ఎమ్.ఎస్.-2” హిందీ చిత్రాల తరువాత ‘వడకర్రీ’ తమిళ చిత్రంతో సౌత్ బాట పట్టింది.
Also Read
- Love Story: అనిరుధ్ మామ కళానిధి మారన్ ప్రేమ కథ తెలుసా?
- Mouli: టాలీవుడ్ నుంచి కోలీవుడ్కు దొంగ నా కొడుకు .. ‘టూరిస్ట్ ఫ్యామిలీ’ బ్యానర్లో మూడో సినిమా?
- Veeradhi Veerulu: మాస్ మహారాజా - శ్రీవిష్ణు కాంబో మిస్ అయినట్లేనా? ‘వీరాధి వీరులు’పై పిన్ డ్రాప్ సైలెన్స్!
- Keerthy Suresh: స్పెషల్ సాంగ్ నుంచి స్టార్ హీరోల దాకా.. పెళ్లి తర్వాత కీర్తి సురేష్ రేంజ్ మామూలుగా లేదుగా!
తెలుగులో మంచు మనోజ్ హీరోగా రూపొందిన ‘కరెంట్ తీగ’లో స్పెషల్ అప్పియరెన్స్ ఇచ్చింది సన్నీలియోన్. ఇందులో సంపూర్ణేశ్ బాబు కాబోయే శ్రీమతిగా కాసేపు కవ్వించింది. రాజశేఖర్ హీరోగా తెరకెక్కిన ‘పీఎస్వీ గరుడవేగ’లో “డియో డియో…” సాంగ్ లో కనువిందు చేసింది సన్నీ లియోన్. దక్షిణాది అన్ని భాషల్లోనూ సన్నీ చిందులతో విందు చేసి బల్ పసందుగా సాగింది. సన్నీ ప్రధాన పాత్రలో ‘వీరమదేవి’ అనే తమిళ చిత్రం తెరకెక్కుతోంది. సన్నీలాంటి నీలిచిత్రాల సుందరి అలాంటి పవర్ ఫుల్ రోల్ పోషించడంపై కొన్ని విమర్శలూ తలెత్తాయి. ఏది ఏమైనా సన్నీలియోన్ ఎక్కువగా స్పెషల్ సాంగ్స్ లోనే చిందేసింది. కానీ, నటిగానూ తన సత్తా ఏమిటో చాటుకోవాలన్నదే ఆమె అభిలాష. అందులో భాగంగా కొన్ని సినిమాలు వెలుగు చూశాయి. ప్రస్తుతం భర్త డేనియెల్ వెబర్, తన ముగ్గురు పిల్లలతో కలసి లాస్ ఏంజెలెస్ లో ఉంది. అమెరికన్ కేన్సర్ సొసైటీకి నిధులు సేకరించడంలోనూ, జంతుసంరక్షణలోనూ సన్నీ తనదైన పాత్ర నిర్వహిస్తోంది. ప్రస్తుతం సన్నీ లియోన్ ఓ తెలుగు చిత్రంలోనూ, ఓ మళయాళ సినిమాలోనూ, మూడు తమిళ, మూడు హిందీ చిత్రాల్లోనూ నటిస్తోంది. మరి రాబోయే చిత్రాలలో సన్నీ ఏ రీతిన తన అభినయంతో ఆకట్టుకుంటుందో చూడాలి.
తాజావార్తలు
-
Success Story: ఐఐటీ కుర్రాడి క్రేజీ బిజినెస్ ఐడియా.. కుల్దీప్ సక్సెస్ స్టోరీ కచ్చితంగా చదవాల్సిందే!
-
Fire Accident: చర్లపల్లి రైల్వే స్టేషన్లో అగ్నిప్రమాదం.. తగలబడిన బోగీలు..
-
Virat Kohli: విరాట్ కోహ్లీకి ఏమైంది..11 ఏళ్లలో తొలిసారి ఇలా..
-
India Summit Row: రాహుల్ గాంధీకి కిరణ్ రిజిజు ఏడు సూచనలు.. “బీజేపీని శత్రువుగా చూడొద్దు” అంటూ హితవు!
-
Kapildev: టెస్ట్ క్రికెట్కు వీడ్కోలు పలికి ఈ ఇద్దరు దిగ్గజాలు పెద్ద తప్పు చేశారు..
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!