దేశంలోని టాప్ కమెడియన్లలో సునీల్ గ్రోవర్ ఒకరు. ఆయన కపిల్ శర్మ కామెడీ షోతో పాటు సినిమాల్లో అనేక పాత్రలు చేసి పాపులర్ అయ్యాడు. సునీల్ గ్రోవర్ ‘ది కపిల్ శర్మ’ షోలో గుత్తి, డాక్టర్ మషూర్ గులాటీ పాత్రలకు ప్రసిద్ధి చెందాడు. సునీల్ ఇప్పుడు ముంబైలో అకస్మాత్తుగా హార్ట్ సర్జరీ చేయించుకోవడం చర్చనీయంశంగా మారింది. సునీల్ కు తన వెబ్ సిరీస్ షూటింగ్లో ఉండగా ఛాతీ నొప్పి వచ్చిందట. దీంతో చిత్రబృందం అతన్ని కార్పొరేట్ ఆసుపత్రికి తీసుకెళ్లారు. సునీల్ గ్రోవర్ ముంబైలోని ఏషియన్ హార్ట్ ఇనిస్టిట్యూట్లో గుండె శస్త్రచికిత్స చేయించుకున్నారు.
Read Also : ‘గాడ్ ఫాదర్’ అప్డేట్… హైదరాబాద్ లో స్టార్ హీరోయిన్
అయితే ఎలాంటి సర్జరీ చేయించుకున్నాడో మాత్రం గోప్యంగా ఉంచారు. ప్రస్తుతం ఆయన ప్రాణాపాయం నుంచి బయట పడి ఆసుపత్రిలో విశ్రాంతి తీసుకుంటున్నారు. ఓ ప్రముఖ సెలబ్రిటీ ఫోటోగ్రాఫర్ ఇన్స్టాగ్రామ్లో ఈ వార్తను పంచుకున్నారు. దీంతో ఆయన త్వరగా కోలుకోవాలని అభిమానులు కోరుకుంటున్నారు. గుండెలో నొప్పి ఉన్నపటికీ షూట్ పూర్తి చేసే సర్జరీకి వెళ్ళాడట ఈ పాపులర్ కమెడియన్.
సునీల్ గ్రోవర్ చివరిగా Zee5 వెబ్ సిరీస్ ‘స్నో ఫ్లవర్’లో, గత సంవత్సరం సైఫ్ అలీ ఖాన్తో కలిసి ‘తాండవ్’లో కూడా కనిపించాడు. నటుడు సిరీస్లో కీలక పాత్ర పోషించాడు. అమెజాన్ ప్రైమ్ వీడియో రాజకీయ నాటకం వివాదంలో ఉంది. పెద్ద తెరపై సునీల్ చివరిగా సల్మాన్ ఖాన్, కత్రినా కైఫ్లతో కలిసి ‘భరత్’లో కనిపించాడు. ఈ సినిమాలో సల్మాన్ స్నేహితుడిగా నటించాడు.