జాదుగాడితో జాక్వెలిన్ హాట్ కిస్సింగ్ ఫోటో లీక్..

బాలీవుడ్ మనీలాండరింగ్ కేసులో ప్రధాన నిందితుడైన సుఖేష్ చంద్రశేఖర్ ప్రస్తుతం జైల్లో ఉన్న విషయం తెలిసిందే. ఈ కేసుతో సంబంధం ఉన్నవారందిరినీ ఈడీ విచారించింది. ఇప్పటివరకు సుఖేష్ సుమారు 14మందిని మోసం చేసి 200కోట్లు కాజేశాడని పోలీసులు ఆరోపిస్తున్నారు. ఇక ఈ కేసులో బాలీవుడ్ హాట్ బ్యూటీ జాక్వలిన్ పెర్నాండజ్ కూడా ఈడీ విచారణకు హాజరైన సంగతి తెలిసిందే. తనకు ఏమి తెలియదని, సుఖేష్ తో తనకు ఎటువంటి సంబంధం లేదని విచారణలో తెలిపింది ఈ బ్యూటీ.. అయితే తాజాగా వీరిద్దరూ క్లోజ్ గా ఉన్న ఒక ఫోటో లీక్ కావడంతో మరోసారి ఆ కేసు సంచలనంగా మారింది.

సుఖేష్, జాక్వలిన్ వెనక నిలబడి అమ్మడి బుగ్గపై హాట్ గా కిస్ ఇస్తుంటే.. జాక్వలిన్ సిగ్గు పడుతూ ఉన్న ఈ ఫోటో నెట్టింట వైరల్ గా మారింది. ఇటీవల సుఖేష్ బెయిల్ పై వచ్చినప్పుడు జాక్వెలిన్ ని కలిశాడని, ఆ సమయంలోనే ఈ ఫోటో తీసుకొని ఉంటారని నెటిజన్లు అభిప్రాయపడుతున్నారు. ఇక ఈ ఫోటో లీక్ కావడంతో మరోసారి జాక్వెలిన్ పై విమర్శలు వెల్లువెత్తాయి. అతడెవరో తెలియకుండానే ముద్దు పెట్టించుకున్నావా అని నెటిజన్లు జాక్వెలిన్ ని ఏకిపారేస్తున్నారు. మరి ఈ విషయంపై అమ్మడు ఎలా రియాక్ట్ అవుతుందో చూడాలి.