మీడియాపై రాజమౌళి పంచులు.. మీ సంగతి నాకు తెలుసు

‘ఆర్ఆర్ఆర్’ .. పాన్ ఇండియా మూవీగా తెరకెక్కుతున్న ఈ సినిమా విడుదలకు సిద్దమవుతుంది. టాలీవుడ్ స్టార్ హీరోలు రామ్ చరణ్, ఎన్టీఆర్ మల్టీస్టారర్ గా తెరకెక్కుతున్న ఈ సినిమా సంక్రాంతి కానుకగా జనవరి 7 న విడుదల అవనున్న సంగతి తెలిసిందే. ఇప్పటికే ఈ సినిమా నుంచి విడుదలైన సాంగ్స్, ట్రైలర్ ప్రేక్షకులను విశేషంగా ఆకట్టుకుంటున్నాయి. ఇక ట్రైలర్ తర్వాత ట్రిపుల్ ఆర్ బృందం ప్రెస్ మీట్ పెట్టాల్సివుండగా.. కొన్ని కారణాలవలన ఈరోజుకు వాయిదా పడింది. ఇక నేడు హీరోలతో కలిసి దర్శకుడు రాజమౌళి మీడియా సమావేశానికి హాజరయ్యారు. ఈ సమావేశంలో రాజమౌళి తనదైన శైలిలో మీడియాపై పంచులు వేశారు.

రాజమౌళిని విలేఖరులు నెక్స్ట్ ఏ హీరోతో చేయబోతున్నారు.. అనిఅడగగా .. జక్కన్న కొద్దిగా అసహనం ప్రదర్శిస్తూ .. “చెప్పను.. ఇప్పుడు మీకు ఇది చెప్తే.. రాజమౌళి సదురు స్టార్ హీరోతో సినిమా చేయబోతున్నాడు అని హెడ్ లైన్ పెడతారు.. అప్పుడు ట్రిపుల్ ఆర్ ప్రమోషన్స్ కిందకి వెళ్ళిపోతుంది.. ఆ హెడ్ లైన్ టాప్ కి చేరుకొంటుంది.. మీ సంగతి నాకు తెలుసు.. ప్రమోషన్ కి వచ్చాం.. దానికి తగ్గ ప్రశ్నలే అడగండి.. మీకు ఆ డీటెయిల్స్ కావాలి అంటే .. నెక్స్ట్ ఒక చిట్ చాట్ సెషన్ పెట్టుకున్నప్పుడు చెప్తాను అంటూ కౌంటర్లు వేశాడు. ఇక ఈ సమాధానంతో అక్కడ నవ్వులు పూశాయి.