Srikanth: ఊహతో విడాకులు.. నన్ను చంపేశారు

Srikanth: సోషల్ మీడియా వచ్చాకా పుకార్లు ఎక్కువ అయ్యాయి. కొన్ని రోజులు భార్యాభర్తలు మాట్లాడుకోపోయినా.. మీడియా ముందు కనిపించపోయినా వారు విడిపోయినట్లు పుకార్లు పుట్టించేస్తున్నారు. ఇక సీనియర్ నటులు ఇలా కనిపించకపోతే ఏకంగా చచ్చిపోయారనే రాసేస్తున్నారు. వ్యూస్ కోసం లైక్స్ కోసం కొంతమంది యూట్యూబర్స్ చిల్లర పనులు చేస్తున్నారు. ఇక ఈ రూమర్స్ వలన సెలబ్రిటీలు చాలా ఇబ్బందులు పాలవుతున్నారు. ఆ న బాధితుల లిస్ట్ లో నేను కూడా ఉన్నానని చెప్తున్నాడు హీరో శ్రీకాంత్. ఫ్యామిలీ హీరోగా ఎన్నో మంచి చిత్రాలలో నటించి మెప్పించిన ఈ హీరో ప్రస్తుతం సపోర్టింగ్ క్యారెక్టర్స్, విలన్ గా అదరగొడుతున్నాడు. ఆల్మోస్ట్ స్టార్ హీరోల సినిమాలన్నింటిలోనూ శ్రీకాంత్ ఉన్నాడు అంటే అతిశయోక్తి కాదు. ఇక గత కొన్నరోజులుగా శ్రీకాంత్ తన భార్య ఊహతో విడిపోయినట్లు వార్తలు వచ్చిన విషయం తెల్సిందే. ఏ ఇంటర్వ్యూలోనైనా ఈ ప్రశ్న పూర్తి కాకుండా ఆయనకు ఇంటర్వ్యూ పూర్తి కాదు. నేడు శ్రీకాంత్ బర్త్ డే సందర్భంగా ఇచ్చిన ఒక ఇంటర్వ్యూలో సైతం ఈ ప్రశ్న ఎదురయ్యింది. దీంతో మరోసారి ఈ పుకార్లకు చెక్ పెట్టాడు శ్రీకాంత్.

Raviteja: మాస్ మహారాజా వారసుడు టాలీవుడ్ ఎంట్రీ.. షురూ

” సెలబ్రిటీల వ్యక్తిగత విషయాలు సోషల్ మీడియాల ఇష్టంవచ్చినట్లు రాసేస్తారు. వారికి అవి ఎలా తెలుస్తాయి. అసలు అందులో నిజం ఉందో లేదో కూడా తెలియదు వారికి. కొన్నిసార్లు ఈజీగా తీసుకున్నా ఇంకొన్నిసార్లు చాలా బాధపడుతుంటాను. మరీ దారుణంగా రాస్తున్నారు. ఒకసారి అయితే.. నేను చనిపోయినట్లు రాసి నా ఫోటో పెట్టారు. అది ఇంట్లో వాళ్లు చుస్తే ఎంత ప్రమాదం.. వారికి ఏదైనా కావొచ్చు. ఇలాంటి వార్తలు రాసేవారిలో మార్పు రావాలి. నేను ఊహకు విడాకులు ఇస్తున్నట్లు రాశారు. ఆ వార్తలు నిజం కాదు అని చెప్పడానికి ఊహను తీసుకొని ఈవెంట్స్ కు వెళ్లాల్సి వచ్చింది. ఫోటోలు పెట్టాల్సి వచ్చింది. ఊహకు బయటకు రావడం అసలు ఇష్టం ఉండదు. ఆ విషయం ఇండస్ట్రీలో అందరికి తెలుసు. ఇక నిన్న కోట శ్రీనివాసరావు గారు చనిపోయినట్లు చెప్పుకొచ్చారు.. అది విని కూడా చాలా బాధపడ్డాను” అని చెప్పుకొచ్చాడు. ప్రస్తుతం ఈ వార్తలు నెట్టింట వైరల్ గా మారాయి.