Sreeleela: ఈ కన్నడ బ్యూటీ క్రేజ్ ని తెగ వాడేస్తున్నారుగా…

ప్రస్తుతం తెలుగు ఫిల్మ్ ఇండస్ట్రీలో హయ్యెస్ట్ నంబర్ ఆఫ్ సినిమాలని సైన్ చేసిన హీరోయిన్ శ్రీలీలా మాత్రమే. ఆరు ఏడు సినిమాలకి ఓకే చెప్పి, మూడు సినిమాల షూటింగ్స్ లో పాల్గొంటున్న ఈ కన్నడ బ్యూటీ తెలుగులో స్టార్ హీరోయిన్ అవ్వడానికి రెడీగా ఉంది. చేసింది రెండు సినిమాలే కానీ ఈమధ్య కాలంలో ఏ హీరోయిన్ కి రానంత క్రేజ్ శ్రీలీలకి వచ్చింది. ముఖ్యంగా ధమాకా సినిమాలో రవితేజకి హీరోయిన్ గా నటించిన ఈ కన్నడ బ్యూటీ, తన డాన్స్ అండ్ గ్లామర్ తో ఆడియన్స్ ని మెస్మరైజ్ చేసింది. వంద కోట్లు రాబట్టిన ధమాకా సినిమా కలెక్షన్స్ లో శ్రీలీలా కోసం తెగిన టికెట్ల లెక్క కూడా బాగానే ఉంటుంది. హై వోల్టేజ్ వైర్ లా ఉండే శ్రీలీలా క్రేజ్ ని కాష్ చేసుకోవడానికి రెడీ అయ్యారు. దీపం ఉండగానే ఇళ్లు చక్కబెట్టుకోవాలి అంటే మాటని నిజం చేస్తూ శ్రీలీలా కన్నడలో నటించిన మొదటి సినిమా ‘కిస్’ని తెలుగులో ‘ఐ లవ్ యు ఇడియట్’ పేరుతో డబ్ చేసి రిలీజ్ చేశారు.

ఈరోజు నుంచి ‘ఆహా’లో ‘ఐ లవ్ యు ఇడియట్’ స్ట్రీమ్ అవుతోంది. ‘ఐ లవ్ యు ఇడియట్’ ట్రైలర్ కి కూడా మంచి రెస్పాంన్స్ వచ్చింది. శ్రీలీలాకి ‘కిస్’ డెబ్యు మూవీ, వంద రోజులు ఆడిన ఈ సినిమా కర్ణాటకలో సూపర్ హిట్ అయ్యింది. ప్యూర్ లవ్ స్టొరీగా తెరకెక్కిన ఈ సినిమాలో శ్రీలీలా ఎవర్ చార్మింగ్ గా కనిపించింది. విరాట్ హీరోగా నటించిన ఈ మూవీకి సీక్వెల్ కూడా ఉంటుందని దర్శకుడు అర్జున్ గతంలో అనౌన్స్ చేశాడు కానీ అఫీషియల్ గా ఇంకా ఎలాంటి అప్డేట్ బయటకి రాలేదు. శ్రీలీలా చార్మ్ తో ఇప్పుడు ఈ మూవీ తెలుగులో డబ్ అయ్యింది, ఆమె కోసం అయినా ఆహాలో ‘ఐ లవ్ యు ఇడియట్’ సినిమాని ప్రేక్షకులు చూస్తారు.

A day dreamer’s accidental love story! The most talented and beautiful @Sreeleelaoffl’s debut film #Kiss in Telugu as #ILoveYouIdiot ! Streaming now…❤️ pic.twitter.com/9JvTOpGw3g

— ahavideoin (@ahavideoIN) April 7, 2023