Sree Vishnu unveils the first look poster of Pindam Movie: ప్రముఖ హీరో శ్రీకాంత్ శ్రీరామ్, ఖుషీ రవి జంటగా నటిస్తున్న సినిమాకి ‘పిండం‘ అనే టైటిల్ ఫిక్స్ చేశారు. సాయి కిరణ్ దైద తొలిసారి దర్శకత్వ బాధ్యతలు నిర్వహిస్తున్న ఈ సినిమాను కళాహి మీడియా బ్యానర్పై యశ్వంత్ దగ్గుమాటి ఈ చిత్రాన్ని నిర్మించారు. ఇప్పటికే షూటింగ్ పూర్తి చేసుకున్న ఈ సినిమా ప్రస్తుతం నిర్మాణానంతర కార్యక్రమాలు జరుపుకుంటోంది. ఇక ఈ సినిమాకి సంబంధించిన టైటిల్, ఫస్ట్ లుక్ పోస్టర్ని హీరో శ్రీవిష్ణు ఆవిష్కరించి విజయాన్ని ఆశిస్తూ యూనిట్ కు శుభాకాంక్షలు తెలిపారు. ఇక ఈ క్రమంలో ఈ ‘పిండం‘ అనే సినిమా కంప్లీట్ హారర్ గా ఉండబోతుందని ఇంతటి భయానక హారర్ చిత్రాన్ని టాలీవుడ్ ఇంతవరకూ చూడలేదని అభిప్రాయ పడ్డారు. “ది స్కేరియస్ట్ ఫిల్మ్” అనే ది ఉప శీర్షికగా ఈ సినిమా తెరకెక్కిస్తున్నాని అన్నారు.
Bhagavanth kesari: ‘భగవంత్ కేసరి’లో రతిక… ఏ పాత్రలో నటించిందో తెలుసా?
ఆ లుక్ గనుక పరిశీలిస్తే దీపపు లాంతరు వెలుగులో శ్రీరామ్, ఖుషి రవి,ఈశ్వరీ రావు తదితరులు ఓ బల్లపై పడుకున్న పాప చుట్టూ ఉండటం, ఓ వ్యక్తి చేతిలో పుస్తకం, వారి ముఖాల్లో ఏదో ప్రమాదం గురించి కనిపిస్తున్న ఆందోళన, ఇవన్నీ భయానికి గురి చేసేలా ఉన్నాయి. పిండం కథ ప్రస్తుతం, అలాగే 1990 మరియు 1930 లలో…మూడు కాలక్రమాలలో జరిగేదని అంటున్నారు.. ఇక స్క్రీన్ప్లే ఈ సినిమాకి హైలైట్గా ఉండనుందని అంటున్నారు. పిండం షూటింగ్ పూర్తి చేసుకుని పోస్ట్ ప్రొడక్షన్ పనులు జరుపుకుంటోండగా టీజర్ను అక్టోబర్ 30న విడుదల చేయనున్నారు. నవంబర్ నెలలో చిత్రం విడుదలకు ప్లాన్ చేస్తున్నట్లు చిత్ర నిర్మాత యశ్వంత్ దగ్గుమాటి తెలిపారు. ఇక ఈ సినిమాలో ఇతర ప్రధాన పాత్రలలో ఈశ్వరీ రావు, అవసరాల శ్రీనివాస్, రవివర్మ తదితరులు నటిస్తున్నారు.
