టాలీవుడ్లో దేశభక్తి బ్యాక్డ్రాప్తో వచ్చే హై-వోల్టేజ్ యాక్షన్ ఎంటర్టైనర్లకు ఆడియన్స్ ఎప్పుడూ బ్రహ్మరథం పడతారు. అదే దారిలో దేశ సరిహద్దుల్లో ప్రాణాలను పణంగా పెట్టి పోరాడే వీర జవానుల కథతో, సరికొత్త యాక్షన్ థ్రిల్లర్గా రాబోతున్న చిత్రం “సోల్జర్ – 24×7 ఆన్ డ్యూటీ”. ‘కొనంకి ఎంటర్టైన్మెంట్స్’ బ్యానర్పై అత్యంత ప్రతిష్టాత్మకంగా తెరకెక్కుతోన్న ఈ సినిమా అఫీషియల్ ఫస్ట్ లుక్ పోస్టర్ను మేకర్స్ తాజాగా విడుదల చేశారు. దేశభక్తి, ధైర్యం, త్యాగం మరియు కర్తవ్య నిబద్ధతను ప్రతిబింబిస్తూ వచ్చిన ఈ పోస్టర్ ప్రస్తుతం సోషల్ మీడియాలో సెన్సేషన్ క్రియేట్ చేస్తోంది.
తాజాగా విడుదలైన ఫస్ట్ లుక్ పోస్టర్లో హీరో కొనంకి కార్తీక్ పవర్ఫుల్ అండ్ ఇంటెన్స్ సైనికుడి పాత్రలో ఆకట్టుకుంటున్నారు. పోస్టర్ వెనుక యుద్ధ వాతావరణం, భీకర పోరాట ఛాయలు, వాటి మధ్య గర్వంగా రెపరెపలాడుతున్న మన భారత త్రివర్ణ పతాకం సినిమా ఏ రేంజ్లో ఉండబోతోందో క్లియర్ హింట్ ఇచ్చేసింది. ఈ లుక్ చూశాక సినిమాపై అంచనాలు ఒక్కసారిగా పీక్స్కు చేరాయి. “ముఖ్యంగా ’24×7 ఆన్ డ్యూటీ’ అనే ట్యాగ్లైన్ ప్రతి ఒక్కరినీ ఆలోచింపజేస్తోంది. మనం ఇక్కడ ప్రశాంతంగా నిద్రపోతున్నామంటే.. అక్కడ సరిహద్దుల్లో నిరంతరం అప్రమత్తంగా ఉంటూ, దేశ భద్రత కోసం అహర్నిశలు శ్రమిస్తున్న భారత సైనికుల రక్తాన్ని, చెమటను ఈ చిత్రం ద్వారా ఘన నివాళిగా చూపించబోతున్నారు.”
ఈ విభిన్నమైన యాక్షన్ ఎంటర్టైనర్ను డైరెక్టర్ శ్రద్ధ ఖత్రి ఎంతో ప్రతిష్టాత్మకంగా తెరకెక్కిస్తున్నారు. సినిమాలో కేవలం దేశభక్తి ఫైట్లు మాత్రమే కాకుండా, గుండెలను పిండేసే బలమైన భావోద్వేగాలు, మానవీయ విలువలు కూడా మేజర్ హైలైట్గా నిలవనున్నాయని సమాచారం. ఈ చిత్రంలో కొనంకి కార్తీక్ సరసన ప్రియాంక వర్మ హీరోయిన్గా నటిస్తోంది. నిర్మాత కె. వి. నాయుడు ‘కొనంకి ఎంటర్టైన్మెంట్స్’ పతాకంపై ఎక్కడా బడ్జెట్ విషయంలో కాంప్రమైజ్ కాకుండా హై ప్రొడక్షన్ వాల్యూస్తో నిర్మిస్తున్నారు. ఫస్ట్ లుక్తోనే గట్టి ఇంపాక్ట్ క్రియేట్ చేసిన ఈ ‘సోల్జర్’ చిత్రానికి సంబంధించిన టీజర్, సాంగ్స్ అప్డేట్స్ను మేకర్స్ త్వరలోనే అధికారికంగా అనౌన్స్ చేయనున్నారు.