Pawan Kalyan: పవన్ కళ్యాణ్ కాలికి గాయం?

Small Injury to Pawan Kalyan Right Leg: ప్రస్తుతం ఎన్నికల ప్రచారంలో బిజీ బిజీగా గడుపుతున్న జనసేనాని పవన్ కళ్యాణ్ కాలికి గాయమైనట్లుగా తెలుస్తోంది. ఈ రోజు తిరుపతిలో వారాహి విజయభేరి యాత్ర నిర్వహిస్తున్నారు. ఈ యాత్ర కోసం ఆయన రేణిగుంట విమానాశ్రయానికి చేరుకున్నారు. ఇక రేణిగుంట విమానాశ్రయం నుంచి బయటకు వస్తున్న సమయంలో ఆయన కుడి కాలి బొటనవేలుకి కట్టు కనిపిస్తోంది. అయితే అసలు కాలికి ఏమైంది? అనే విషయం మీద పూర్తిస్థాయిలో అవగాహన లేదు. దానికి తోడు ఆయన వేగంగా నడవకుండా చాలా నెమ్మదిగా నడుస్తూ కాన్వాయ్ ఎక్కడాన్ని అభిమానులు గమనించారు. అయితే అసలు పవన్ కాలికి ఏమైంది అనే విషయం మీద పూర్తిస్థాయిలో క్లారిటీ లేదు. ఇక ఈ విషయం మీద జనసేన పార్టీ నుంచి కూడా ఎలాంటి ప్రకటనలు లేవు. పవన్ కాలికి ఏం జరిగింది? అనే విషయం మీద జన సైనికులు, పవన్ అభిమానులు ఆందోళన వ్యక్తం చేస్తున్నారు.

Ranveer – Deepika : విడాకుల బాటలో మరో స్టార్ కపుల్.. ఇదే ప్రూఫ్?

ఇక మరోపక్క పవన్ కళ్యాణ్ కి మద్దతుగా టాలీవుడ్ మొత్తం కదిలి వస్తోంది. ముందుగా ఆయన సోదరుడు మెగాస్టార్ చిరంజీవి పవన్ కి మద్దతు తెలుపుతూ ఒక వీడియో రిలీజ్ చేయగా తర్వాత హీరోలు నాని, రాజ్ తరుణ్, తేజ సజ్జ వంటి వాళ్లు జనసేనకి ఓటు వేసి గెలిపించాలని సోషల్ మీడియా వేదికగా కోరారు. ఇక రామ్ చరణ్ తేజ్ కూడా తన తండ్రి వీడియో షేర్ చేసి పవన్ కళ్యాణ్ ని గెలిపించాలని ట్వీట్ చేశారు. ఇక రానున్న రోజుల్లో మరింత మంది హీరోలు కొంతమంది హీరోయిన్లు కూడా పవన్ కి మద్దతు తెలిపే అవకాశం ఉందంటూ సోషల్ మీడియాలో ప్రచారం జరుగుతోంది. ఇక ఆంధ్రప్రదేశ్ లో సరిగ్గా వారం రోజుల్లో ఎన్నికలు జరగనున్నాయి. జూన్ 4వ తేదీన ఎన్నికల ఫలితాలు వెలువడనున్నాయి.