Sharada: యాభై ఏళ్ళ ‘శారద’!
- Follow Us :
-
-
Add as a preferred
source on google
Sharada Completed 50 Years: ఆ రోజుల్లో శోభన్ బాబు – శారద జంటకు ప్రేక్షకుల్లో భలే క్రేజ్ ఉండేది. ‘మనుషులు మారాలి’ చిత్రంలో శారద, శోభన్ బాబు భార్యాభర్తలుగా నటించారు. ఆ సినిమా ఘనవిజయం తరువాత వారిద్దరూ నటించిన చిత్రాలను ప్రేక్షకులు విశేషంగా ఆదరించసాగారు. కొందరు వారిద్దరూ నిజంగానే జీవితభాగస్వాములు అనే భావించారు. అంతలా వారి జంట ఆదరణ పొందింది. కె.విశ్వనాథ్ దర్శకత్వంలో అన్నపూర్ణ సినీ ఎంటర్ ప్రైజెస్ పతాకంపై రూపొందిన ‘శారద’లోనూ శోభన్ బాబు, శారద అభినయం అందరినీ అలరించింది. ఈ చిత్రానికి పి.రాఘవరావు నిర్మాత. ఈ సినిమాకు క్రాంతికుమార్ కూడా నిర్మాణభాగస్వామిగా వ్యవహరించారు. తరువాతి రోజుల్లో ‘అన్నపూర్ణ ఎంటర్ ప్రైజెస్’ పతాకంపై తెరకెక్కిన చిత్రాలకు ఆయన పేరే నిర్మాతగా టైటిల్ కార్డ్స్ లో చోటు చేసుకుంది. 1973 మే 4వ తేదీన ‘శారద’ జనం ముందు నిలచింది. వారి మనసులు గెలిచింది.
‘శారద’ కథ ఏమిటంటే – డాక్టర్ మూర్తి ఓ సైకియాట్రిస్ట్. తన భార్య, కొడుకుతో హాయిగా కాపురం చేసుకుంటూ ఉంటాడు. మనసున్న డాక్టర్. పిచ్చిపట్టినవారికి మందులతో పాటు మంచి మాటలూ చెబుతూ వైద్యం చేస్తుంటాడు. ఓ మిత్రుని పెళ్ళికి ఓ పల్లెటూరు వెళతాడు. అక్కడ అందరూ ఆయనను చూసి దెయ్యంగా భావిస్తారు. ఆ ఊరి మునసబు ఇంట్లో పెళ్ళికే మూర్తి వెళతాడు. మునసబు కూడా మూర్తిని చూసి కంగుతింటాడు. ఇంతకు ముందు అక్కడ పనిచేసిన డాక్టర్ అచ్చు మీ పోలికలతోనే ఉండేవాడని, అతను ఇప్పుడు లేడని చెబుతాడు ఆ ఊరి పంతులు. ఆయన గతాన్ని వివరిస్తాడు – శారద అంటే ఆ ఊరి వారికి ఎంతో ప్రేమ. అలాగే ఆ ఊరన్నా, అక్కడివారన్నా ఆమెకూ అంతే అభిమానం. ఆమె తన అన్న కేశవతో కలసి జీవిస్తూ ఉంటుంది. ఆ ఊరికి ఓ డాక్టర్ వస్తాడు. అతను ఆమెను ప్రేమించి, ఊరి పెద్దల అంగీకారంతో పెళ్ళి చేసుకుంటాడు. మొదటి రోజునే ఓ రోగి ప్రమాదంలో ఉన్నాడని తెలిసి వైద్యం చేయడానికి వెళతాడు. నదిలో పడవబోల్తాకొట్టి అతను కొట్టుకుపోయి మరణిస్తాడు. ఈ విషయం తెలిసిన శారద పిచ్చిదవుతుంది. ఆ తరువాత నుంచీ తన భర్త వస్తాడని ఆశిస్తూ ఉంటుంది. ఊళ్ళోవాళ్ళు కూడా అలాగే మీ ఆయన వస్తాడని చెబుతూ ఉంటారు. సైకియాట్రిస్ట్ అయిన మూర్తి, శారద భర్తలాగే నటిస్తూ పట్నం తీసుకువెళ్ళి వైద్యం చేయాలనుకుంటాడు. ఆయన భార్య సైతం ఆదరిస్తుంది. కానీ, ఆమె పిన్ని స్త్రీ సహజగుణంతో గొడవ చేస్తుంది. శారదకు మెల్లగా నిజం తెలుస్తుంది. తరువాత తన వల్ల తప్పు జరిగిందని అందరినీ మన్నించమని వేడుకుంటుంది. తన అన్నతో కలసి ఊరువెళ్తుంది. నది దాటుతూ ఉండగా ఆమెకు డాక్టర్ బాబుతో కలసి గడిపిన క్షణాలు గుర్తుకు వస్తాయి. అతను లేడన్న విషయం అర్థం చేసుకుంటుంది. అన్న భుజంపైనే తలవాల్చి శారద కన్నుమూయడంతో కథ ముగుస్తుంది.
Also Read
- #AA23 బిజినెస్ లెక్కలు.. వైరల్ అవుతున్న బన్నీ, లోకేష్, మైత్రీ డీల్?
- NTRxAnilRavipudi: అసలు ఎవరూ ఊహించని కాంబో.. అనిల్ రావిపూడితో ఎన్టీఆర్ నవ్వుల జాతర!
- Giribabu: భయపెట్టే విలన్, నవ్వించే కమెడియన్.. గిరిబాబు జీవితంలోని ఆసక్తికర కోణాలివే!
- Kajal Agarwal: ఆ రోజు నేనూ చనిపోవాల్సింది.. కానీ ఏదో అదృశ్య శక్తి నన్ను వెనక్కి లాగింది!
శోభన్ బాబు, శారద, జయంతి, సత్యనారాయణ, రావు గోపాలరావు, అల్లు రామలింగయ్య, రాజబాబు, సారథి, సత్తిబాబు, ఆశారాణి, బేబీ డాలి, శాంతాదేవి తదితరులు నటించారు. ఈ చిత్రానికి బొల్లిముంత శివరామకృష్ణ మాటలు రాయగా, డాక్టర్ సి.నారాయణరెడ్డి, దాశరథి, వీటూరి, ఆరుద్ర పాటలు పలికించారు. చక్రవర్తి స్వరకల్పన చేశారు. ఇందులోని “వ్రేపల్లె వేచెను…”, “శారదా ననుచేరగా…”, “శారదా…శారదా…”, “శ్రీమతిగారికి తీరని వేళ…”, “అటో ఇటో తేలిపోవాలి…”, “కన్నె వధువుగా మారేది…”, “రాధాలోలా గోపాలా…”, “నా గుడిలో గంటలు మోగినవి…” అంటూ సాగే పాటలు అలరించాయి. ఈ చిత్రానికి పి.రాఘవరావు నిర్మాత కాగా, కె.విశ్వనాథ్ దర్శకత్వం వహించారు.
‘శారద’ చిత్రం కన్నడలో రూపొందిన ‘యావ జన్మద మైత్రి’ ఆధారంగా తెరకెక్కింది. కన్నడలో కల్పన పోషించిన పాత్రను శారద ధరించారు. తరువాత తమిళంలో ‘రాధ’ పేరుతోనూ, హిందీలో హేమామాలినితో ‘దుల్హన్’గానూ ఈ కథ రీమేక్ అయింది. అన్ని చోట్లా ఈ కథ ఆకట్టుకుంది. తెలుగులో మంచి విజయం సాధించింది. హైదరాబాద్, గుంటూరు, రాజమండ్రి, కాకినాడ, నెల్లూరు కేంద్రాలలో శతదినోత్సవం జరుపుకుంది ‘శారద’. ఈ చిత్ర విజయంతో అన్నపూర్ణ సినీ ఎంటర్ ప్రైజెస్ సంస్థ మరిన్ని మంచి చిత్రాలు తీస్తూ సక్సెస్ రూటులో సాగిపోయింది. ఇందులోని “శారదా నను చేరగా…” పాట ఆ రోజుల్లో భలేగా ఆకట్టుకుంది. ముఖ్యంగా శారద పేరుగల అమ్మాయిలను టీజ్ చేసే కుర్రాళ్ళ నోట ఈ పాట నాట్యం చేసింది. ఏది ఏమైనా శారద తన పేరుతో రూపొందిన చిత్రంలోనే నటించి అలరించడం విశేషం! ఈ చిత్రంతో సంగీత దర్శకునిగా చక్రవర్తికి మంచి గుర్తింపు లభించింది. ఉత్తమ చిత్రంగా ‘శారద’ నంది అవార్డు గెలుచుకుంది.
తాజావార్తలు
-
Koti Deepotsavam 2026 Day-1 Live: కైలాసాన్ని తలపించే వేదిక.. కోటి దీపోత్సవంలో తొలిరోజు విశేషాలివే.!
-
Rahul Gandhi : ఫాసిస్టు శక్తులను తరిమికొడతాం.. హైదరాబాద్ వేదికగా రాహుల్ గాంధీ పిలుపు
-
#AA23 బిజినెస్ లెక్కలు.. వైరల్ అవుతున్న బన్నీ, లోకేష్, మైత్రీ డీల్?
-
Vigilance Raids: అక్రమ నిల్వలు, బ్లాక్ మార్కెటింగ్పై ఏపీ ప్రభుత్వం ఉక్కుపాదం.. రూ. 10.43 కోట్ల సరుకు స్వాధీనం..
-
SP-Congress Alliance: 200కు పైగా సీట్లు కోరుతున్న కాంగ్రెస్.. నవంబర్ 17న అఖిలేశ్తో కీలక భేటీ!
-
Mississippi River Accident : మిసిసిపీ నదిలో పెను ప్రమాదం.. క్రూయిజ్ షిప్ను ఢీకొట్టిన ట్యాంకర్
ట్రెండింగ్
-
Virat Kohli: విరాట్ కోహ్లీ ఖాతాలో చెత్త రికార్డు.. మొదటి బ్యాటర్గా.. మరీ తక్కువ మ్యాచ్ల్లోనే!
-
India All Out List: వన్డేల్లో టీమిండియాకు ఘోర పరాభవం.. 100 లోపే భారత్ ఇన్నిసార్లు ఆలౌట్ అయిందా?
-
Children’s Day 2026 : మార్కుల వేట వద్దు.. పిల్లల్లో క్రియేటివిటీ పెంచండి
-
Red Line on Medicine Strips: మెడిసిన్ స్ట్రిప్పై ఎర్రగీత ఉందా? ఈ విషయం తప్పక తెలుసుకోండి..!
-
IND vs NZ 4th ODI: అదే మా కొంపముంచింది.. ఓటమిని జీర్ణించుకోవడం కష్టం.. శ్రేయస్ భావోద్వేగ వ్యాఖ్యలు!