Vadivelu: గత కొన్నిరోజులుగా ఇండస్ట్రీలో వరుస మరణాలు అభిమానులను కలువరపరుస్తున్నాయి. మొన్నటివరకు ప్రముఖులు మృతి వార్తలు విని గుండెలు అవిసేలా బాధపడ్డాం.. ఇక ఈ ఏడాది ప్రముఖుల కుటుంబ సభ్యుల వరుస మరణాలు కలవరపెడుతున్నాయి. నిన్నటికి నిన్న మ్యూజిక్ డైరెక్టర్ రఘు కుంచె తండ్రి లక్ష్మి నారాయణ కన్నుమూయగా.. నేడు కోలీవుడ్ స్టార్ కమెడియన్ వడివేలు తల్లి మృతి చెందారు. వడివేలు తల్లి సరోజినీ గత కొన్ని రోజులుగా వయో వృద్ధాప్య సమస్యలతో బాధపడుతున్నారు. ఆమె మధురై సమీపంలోని విరగానూర్ గ్రామంలో నివసిస్తున్నారు.
Read also: Russia-Ukraine War: అదే జరిగితే అణుయుద్ధం తప్పుదు.. రష్యా మాజీ అధ్యక్షుడి హెచ్చరిక
అనారోగ్యం కారణంగా కొన్నిరోజుల ముంచు ఆమె మధురైలోని ఒక ప్రైవేట్ హాస్పిటల్ చికిత్స తీసుకుంటున్నారు. ఇక చికిత్స తీసుకుంటూనే గతరాత్రి ఆమె మృతి చెందినట్లు కుటుంబ సభ్యులు తెలిపారు. ఇక తల్లి మరణవార్త తెలుసుకున్న వడివేలు వెంటనే షూటింగ్ ను మధ్యలోనే ఆపేసి సొంత ఊరుకు పయనమయ్యారు. వడివేలు తల్లి మరణంపై పలువురు ప్రముఖులు సంతాపం వ్యక్తం చేస్తున్నారు. ఇక వడివేలు గురించి ప్రత్యేకంగా చెప్పాల్సిన అవసరం లేదు. తెలుగులో బ్రహ్మానందం ఎలానో.. తమిళ్ లో వడివేలు అలా.. ఆయన లేని సినిమా లేదు అంటే అతిశయోక్తి కాదు. డబ్బింగ్ సినిమాలతో వడివేలు తెలుగువారికి కూడా సుపరిచితమే.
Read Also: Russia-Ukraine War: అదే జరిగితే అణుయుద్ధం తప్పుదు.. రష్యా మాజీ అధ్యక్షుడి హెచ్చరిక