Sapthami Gowda: మా బాడీని జూమ్ చేసి వీడియోలు తీయొద్దు.. హీరోయిన్ సంచలన వ్యాఖ్యలు

సోషల్ మీడియా పెరిగిన తర్వాత, దాని వలన ఎక్కువ లబ్ది పొందుతోంది సినిమా తారలే. దాని వల్ల కష్టాలు ఎదుర్కొంటున్నది కూడా వారే. ముఖ్యంగా ఇటీవల, పాపరాజీ సంస్కృతి పెరిగిన తర్వాత, నటీమణుల వ్యక్తిగత జీవితాలు చాలా ప్రభావితమయ్యాయి. కొన్నిసార్లు, వారు పబ్లిసిటీ కోసం స్వయంగా పాపరాజీలను ఆహ్వానించిన ఉదాహరణలు కూడా ఉన్నాయి. కానీ పాపరాజీలు కొంతమంది నటీమణులకు చికాకుగా కూడా మారారు. ఇప్పుడు, కాంతారా ఫేమ్ నటి సప్తమి గౌడ, నటీమణుల అసభ్యకరమైన వీడియోలు తీసి, జూమ్ చేసి ప్రసారం చేసే వారిపై నిరసన వ్యక్తం చేశారు. అలాంటి వ్యక్తులకు వ్యతిరేకంగా సప్తమి గౌడ ప్రచారం ప్రారంభించింది. కన్నడ చిత్ర పరిశ్రమకు చెందిన నటులు, నటీమణులు సప్తమి గౌడ ప్రచారానికి మద్దతు ఇస్తున్నారు.

Also Read :Peddi : పెద్ది రిలీజ్ ఆ రోజే.. నో డౌట్స్?

కళాకారులను కళాకారులుగా చూడాలి కానీ వారిని అసభ్యకరమైన కోణాల్లో వారి శరీరాలను వీడియోలు తీసి పోస్ట్ చేసే వారిని ఆమె ప్రశ్నించారు. దీనికి వ్యతిరేకంగా ప్రచారం ప్రారంభించిన సప్తమి గౌడకు మద్దతుగా సినీ పరిశ్రమలోని నటీమణులు అందరు నిరసన తెలపాలని నిర్ణయించుకున్నారు. సప్తమి గౌడ తన ఇన్‌స్టాగ్రామ్ స్టోరీలో ఇలా రాశారు. “సినిమా పరిశ్రమలోని మహిళలుగా, బహిరంగ కార్యక్రమాల్లో పాల్గొనే మహిళా కళాకారుల వీడియోలు, ఫోటోలను అసభ్యకరమైన కోణాల నుండి చిత్రీకరించడం, అనవసరంగా మా కళ కంటే మా శరీరాలను జూమ్ చేయడం, ప్రసారం చేయడం వంటి సంఘటనలు పదే పదే జరుగుతున్నాయి. ఈ ప్రవర్తన ఇది అసభ్యకరమైనది, అవమానకరమైనది, పూర్తిగా ఆమోదయోగ్యం కాదు. మేము మా పని చేయడానికి ఇక్కడ ఉన్నాము. ఉద్దేశపూర్వకంగా మమ్మల్ని జూమ్ చేయడం లేదా అనుచిత కోణాలను ఉపయోగించడం మా గౌరవాన్ని స్పష్టంగా ఉల్లంఘించడమే. ఇది ఆమోదయోగ్యం కాదు. #ActorsNotObjects అనే హ్యాష్‌ట్యాగ్ ద్వారా ఆమె ఈ విషయాన్ని ప్రశ్నించారు. మొత్తంగా వృత్తి నైపుణ్య సరిహద్దులను కాపాడుకోవాలని ఆమె మీడియా మరియు యూట్యూబర్లను కోరారు.