Like Share Subscribe: మా సినిమా మీకు తెలుసా!? అంటున్న సంతోష్‌ శోభన్!

Like Share Subscribe:యువ కథానాయకుడు సంతోష్ శోభన్ కొత్త సినిమా ‘లైక్ షేర్ సబ్ స్క్రైబ్’ నవంబర్ 4న విడుదల కాబోతోంది. ఫరియా అబ్దుల్లా హీరోయిన్ గా నటించిన ఈ సినిమాను మేర్లపాక గాంధీ తెరకెక్కించారు. దసరా పండుగ టైమ్ లో రిలీజ్ చేసిన స్పెషల్ ఇంటర్వ్యూ నుంచి ఈ సినిమా మీద హైప్ పెరుగుతూ వచ్చింది. ప్రీ రిలీజ్ ఫంక్షన్ లో నాని, సంతోష్ శోభన్ గురించి ప్రత్యేకంగా మాట్లాడటం ఆడియెన్స్ ను అట్రాక్ట్ చేసింది. ‘సంతోష్ లో తనను తాను చూసుకుంటాన’ని నాని చెప్పడం ఆయన గొప్పదనం కాగా ఈ యంగ్ హీరోలోని టాలెంట్ కు ఈ కామెంట్స్ ఒక ఎగ్జాంపుల్ గా నిలిచాయి.

ఇక తాజాగా ‘మా సినిమా మీకు తెలుసా?’ అంటూ నేరుగా ప్రేక్షకుల దగ్గరకే వెళ్లి ‘లైక్, షేర్, సబ్ స్క్రైబ్’ ఎంత క్యూరియాసిటీ తీసుకొచ్చిందో తెలుసుకునే ప్రయత్నం చేశారు సంతోష్ శోభన్, కమెడియన్ సుదర్శన్. కొందరు సినిమా రిలీజ్ గురించే తెలియదు అనడం, సంతోష్ శోభన్ ను గుర్తుపట్టకపోవడం వంటిని ఈ వీడియోలో ఫన్ తీసుకొచ్చాయి. దీన్ని ట్రోల్ వీడియోలా మార్చి రిలీజ్ చేశారు. సినిమాను గొప్పగా తెరకెక్కించడమే కాదు, దాన్ని అంతే గొప్పగా ప్రేక్షకులకు రీచ్ అయ్యేలా చూడటం కూడా ఇవాళ ముఖ్యమే. ‘నటించాను నా పని పూర్తయింది అనుకోకుండా సొంత ప్రాజెక్ట్ లా అందులో ఇన్వాల్వ్ అయి ప్రమోషన్ చేస్తున్న సంతోష్ శోభన్ ను సినిమా రంగానికి చెందిన పలువురు అప్రిషియేట్ చేస్తున్నారు. ఈ ప్రమోషన్ వీడియోలకు పాజిటివ్ కామెంట్స్ వస్తుండటంపై టీమ్ హ్యాపీగా ఉంది.