Shruti Haasan: శృతి హాసన్తో బ్రేకప్ ధృవీకరించిన మాజీ ప్రియుడు..సారీ అంటూనే!
Santanu Hazarika Breaks Silence On Their Break Up With Shruti Haasan: శృతి హాసన్ ఈ మధ్య తన ప్రొఫెషనల్ విషయాలలో కంటే ఎక్కువగా పర్సనల్ విషయాలలోనే వార్తల్లో ఉంటోంది. శృతి, ఆమె ప్రియుడు శంతను హజారికా విడిపోయినట్లు ఇటీవల వార్తలు వచ్చాయి. ఇన్స్టాగ్రామ్లో ఇద్దరూ ఒకరినొకరు అన్ఫాలో కూడా చేసుకున్న క్రమంలో వారు విడిపోయినట్టు ప్రచారం పెద్ద ఎత్తున జరుగుతోంది. ఈ బ్రేకప్ వార్తలపై శ్రుతి హాసన్ ఇంకా స్పందించలేదు. అదే సమయంలో, ఇటీవల శంతను ఈ వార్తలపై తన మౌనాన్ని వీడాడు. శృతి హాసన్, శాంతను హజారికా కొంతకాలంగా డేటింగ్లో ఉన్నారు. విడిపోవడానికి ముందు, ఇద్దరూ లివ్-ఇన్ రిలేషన్షిప్లో కలిసి నివసిస్తున్నారు. ఇన్స్టాగ్రామ్లో ఇద్దరూ ఒకరినొకరు అన్ఫాలో చేసినప్పటి నుండి, సోషల్ మీడియాలో వారు విడిపోవడంపై ఊహాగానాలు ఉన్నాయి. శృతి హాసన్తో బ్రేకప్ గురించి ఇటీవల శంతను హజారికాను ప్రశ్నించగా ఆయన స్పందించాడు కానీ విడిపోవడానికి గల కారణాలను మాత్రం వెల్లడించలేదు.
Vijay Devarakonda :ఇంట్రెస్టింగ్ టైటిల్ తో వస్తున్న రౌడీ హీరో..?
విడిపోవడానికి గల కారణాన్ని అడిగినప్పుడు, శంతను హజారికా, ‘నన్ను క్షమించండి, కానీ నేను దానిపై వ్యాఖ్యానించడానికి ఇష్టపడను’ అని చెప్పాడు. మీడియా కథనం ప్రకారం, ఇద్దరి మధ్య చెప్పుకునేంత పెద్ద విషయం ఏమీ జరగలేదు, అందుకే వారిద్దరూ సామరస్యంగా విడిపోవాలని నిర్ణయించుకున్నారు. శృతిగతంలో శంతనుతో ఉన్న చిత్రాలను ప్రతిరోజూ సోషల్ మీడియాలో పంచుకునేది. అయితే ఇప్పుడు శృతి హాసన్ కూడా శంతను హజారికాతో చేసిన పోస్ట్లన్నింటినీ తొలగించింది. ఆమె ఇన్స్టాగ్రామ్ ఖాతాలో శంతనుతో ఉన్న చిత్రాలేవీ కనిపించడం లేదు. ముంబైలో సెటిల్ అయిన అస్సామీ వ్యక్తి శంతను హజారికా విజువల్ ఆర్టిస్ట్, వీడియో గేమ్ డిజైనర్ అలాగే ఇలస్ట్రేటర్. తన కవితల పుస్తకంపై పని చేస్తున్నప్పుడు అతని సృజనాత్మక ప్రతిభ శృతి దృష్టిని ఆకర్షించింది. శంతను పుస్తకానికి ఇలస్ట్రేటర్గా, డిజైనర్గా సహకరించాడు, అప్పుడే వారి స్నేహం ప్రేమగా వికసించింది. తర్వాత ఇద్దరూ లివ్ ఇన్ రిలేషన్ షిప్ లో జీవించడం ప్రారంభించారు. ఏమైందో ఏమో ఇప్పుడు విడిపోయారు.