Sakshi Dhoni Comments on Releasing LGM in Telugu: ల‌వ్ అండ్ ఫ్యామిలీ ఎంట‌ర్‌టైన‌ర్ ‘ఎల్‌జీఎం’ (LGM – Lets Get Married) త్వరలో ప్రేక్షకుల ముందుకు వచ్చేందుకు సిద్ధం అవుతోంది. ఇండియ‌న్ లెజెండ్రీ క్రికెట‌ర్ ఎం.ఎస్‌.ధోని ‘ఎల్‌జీఎం’ ఈ సినిమాతో చిత్ర నిర్మాణ రంగంలోకి అడుగు పెట్టారు. ఈ సినిమాలో హ‌రీష్ క‌ళ్యాణ్‌, ఇవానా, న‌దియా, యోగిబాబు కీలక పాత్ర‌ల్లో న‌టించారు. ఈ సినిమాను ధోని ఎంటర్టైన్మెంట్ ప్రై.లిమిటెడ్‌ బ్యాన‌ర్‌పై సాక్షి ధోని, వికాస్ హ‌స్జా నిర్మిస్తున్నారు. ఆగ‌స్ట్ 4న రిలీజ్ అవుతున్న ఈ ఈ సినిమాను తెలుగు రాష్ట్రాల్లో జె.పి.ఆర్‌.ఫిల్మ్స్‌, త్రిపుర ప్రొడ‌క్ష‌న్స్ బ్యాన‌ర్స్ విడుద‌ల చేస్తున్నాయి. ఈ సినిమా రిలీజ్ సంద‌ర్భంగా హైద‌రాబాద్‌లో జ‌రిగిన కార్య‌క్ర‌మంలో.. నిర్మాత సాక్షి ధోని మాట్లాడుతూ “ సాధార‌ణంగా మావారు ధోని, ఎప్పుడూ స‌ర్‌ప్రైజ్‌లిస్తుంటారు, ఆయ‌న్నుంచి వ‌చ్చిన మ‌రో స‌ర్ప్రైజ్ ఇది అని అన్నారు. సాధార‌ణంగా క్రికెట్ అంటే ఎంటర్టైన్మెంట్ కానీ, మా వారికి అది ప్రొఫెష‌న్‌ అని అన్నారు. క్రికెట్ ఎలాగో సినిమా కూడా ఎంటర్టైన్మెంట్ కాబట్టి సినీ ప‌రిశ్ర‌మ‌లోకి వ‌చ్చామని పేర్కొన్న ఆమె ఇద్ద‌రం చాలా సినిమాలు చూస్తామని అన్నారు. అది థియేట‌ర్‌లో కావ‌చ్చు.
Dimple Hayathi: ఎద అందాలను ఎరగా వేసి.. కుర్రాళ్లను చంపేస్తున్న డింపుల్
ఓటీటీలో కావ‌చ్చు విపరీతంగా సినిమాలు చూస్తామని అన్నారు. ఆ ఇష్టంతోనే ఈ రంగంలోకి వ‌చ్చామని, ఇంకా మ‌రెన్నో సినిమాల‌ను చేయ‌టానికి సిద్ధంగా ఉన్నామని అన్నారు. ‘ఎల్‌జీఎం’ సినిమాను త‌మిళంలో చేసినా, తెలుగులో ధోనికి భారీ సంఖ్య‌లో అభిమానులున్నారు కాబట్టి తెలుగులో డ‌బ్ చేసి రిలీజ్ చేస్తున్నామని అన్నారు. తెలుగు సినిమాల‌ను హిందీలోకి అనువాదం చేసి యూ ట్యూబ్‌లో రిలీజ్ చేసేవాళ్లు నేను వాటిని చూసేదాన్నని పేర్కొన్న ఆమె ముఖ్యంగా నేను అల్లు అర్జున్ సినిమాల‌న్నింటినీ చూశానని, నేను త‌న‌కు పెద్ద అభిమానినని అన్నారు. నేను స్టోరీ డిస్క‌ష‌న్‌లో డైరెక్ట‌ర్‌తో మాట్లాడేదాన్నని పేర్కొన్న ఆమె ఎక్కువ‌గా ఫీడ్ బ్యాక్ తీసుకుని మంచి ఔట్‌పుట్ కోసం డిస్క‌స్ చేసుకునేవాళ్లమని, అలా క్రియేటివ్ సైడ్ నా వంతు పార్ట్‌ను నేను తీసుకున్నానని అన్నారు. ఇదొక ఇండిపెండెంట్‌గా ఉండే అమ్మాయి క‌థ అని, సాధార‌ణంగా మ‌న రిలేష‌న్స్‌లో పొర‌ప‌చ్చాలు వ‌స్తుంటాయి వాటిని తిరిగి నిల‌బెట్టుకుటూ వెళుతుంటామని అన్నారు. మ‌న లైఫ్‌లో రిలేష‌న్ షిప్స్ గురించి చెప్పే సినిమా ఇదని పేర్కొన్న ఆమె ఓ ఇండిపెండెంట్ అమ్మాయి పెళ్లి చేసుకోవాల‌నుకున్న‌ప్పుడు త‌న మ‌న‌సులో ఎలా ఫీల్ అవుతుంటుందని అన్నారు. దానికి ఆమె ఎలాంటి నిర్ణ‌యం తీసుకుంద‌నే పాయింట్‌తో ‘ఎల్‌జీఎం’ సినిమాను తెర‌కెక్కించామని ఆమె అన్నారు.
