శ్రీకాంత్ ఆవిష్కరించిన ‘సైదులు’ లోగో ఆవిష్కరణ

బ్రేవ్ హార్ట్ పిక్చ‌ర్స్ ప‌తాకంపై బాబా పి. ఆర్. ద‌ర్శ‌కుడిగా ప‌రిచ‌యమవుతోన్న చిత్రం ‘సైదులు’. అక్టోబ‌ర్ లో షూటింగ్ ప్రారంభించుకోనున్న ఈ చిత్రానికి సంబంధించిన టైటిల్ లోగోను శుక్ర‌వారం హీరో శ్రీకాంత్ త‌న నివాసంలో ఆవిష్క‌రించారు. అనంత‌రం శ్రీకాంత్ మాట్లాడుతూ… ”టైటిల్ చాలా క్యాచీగా ఉంది. సినిమాకాన్సెప్ట్ కూడా విన్నాను. ఎంతో ఇంట్ర‌స్టింగ్ గా అనిపించింది. ఈ సినిమా విజ‌యం సాధించి యూనిట్ అంద‌రికీ మంచి పేరు రావాల‌ని మ‌న‌స్ఫూర్తిగా కోరుకుంటున్నాను” అని అన్నారు. చిత్ర ద‌ర్శ‌కుడు బాబా పి. ఆర్. మాట్లాడుతూ… ”మా చిత్రం టైటిల్ లోగో హీరో శ్రీకాంత్ లాంచ్ చేయ‌డం చాలా సంతోషంగా ఉంది. సినిమా ప్రీ -ప్రొడక్ష‌న్ అంతా పూర్త‌యింది. అక్టోబ‌ర్ లో షూటింగ్ స్టార్ట్ చేసి సింగిల్ షెడ్యూల్ లో సినిమాను పూర్తి చేయ‌డానికి ప్లాన్ చేస్తున్నాం. హ‌క్కుల కోసం, స్వేచ్ఛ కోసం ఒక ఊరి జ‌నం చేసిన తిరుగుబాటు నేప‌థ్యంలో ఈ చిత్ర క‌థ ఉంటుంది. త్వ‌ర‌లో న‌టీన‌టుల వివ‌రాలు వెల్ల‌డిస్తాం” అన్నారు.