సుప్రీమ్ హీరో సాయి ధరమ్ తేజ్ యాక్సిడెంట్ తర్వాత సాలిడ్ కంబ్యాక్ ఇస్తూ చేసిన సినిమా ‘విరుపాక్ష’. కార్తీక్ దండు డైరెక్ట్ చేసిన ఈ మూవీలో సంయుక్త మీనన్ హీరోయిన్ గా నటించింది. సమ్మర్లో వచ్చిన సినిమాల్లో సాలిడ్ హిట్ గా ‘విరూపాక్ష’ నిలిచింది. ఏప్రిల్ 21న థియేటర్లోకి వచ్చిన ఈ సినిమా అదిరిపోయే వసూళ్లను రాబట్టి, తేజ్ కెరీర్లోనే బిగ్గెస్ట్ హిట్ అయ్యింది. ఈ సమ్మర్లో వచ్చిన సినిమాలన్నీ బోల్తా కొట్టేయండంతో.. విరూపాక్ష పై కాసుల వర్షం కురిపించారు ఆడియెన్స్. దీంతో సమ్మర్ బిగ్గెస్ట్ హిట్ గా నిలవడమే కాదు.. 2023లో హయ్యెస్ట్ ప్రాఫిటబుల్ వెంచర్స్ లో ఒకటిగా టాప్ ప్లేస్ లో నిలిచింది. ఈ సినిమా ఇప్పటి వరకు ప్రపంచ వ్యాప్తంగా 94 కోట్లకు పైగా గ్రాస్ రాబట్టింది. అయితే ఈ సినిమా వంద కోట్ల మార్క్ని టచ్ చేస్తుందని అనుకున్నారు కానీ థియేట్రికల్ రన్ ఆల్మోస్ట్ క్లోజ్ అయిపోవడంతో సెంచరీ కొట్టడం కష్టంగానే కనిపిస్తోంది. తెలుగు లాభాలు తెచ్చిపెట్టిన విరుపాక్ష మూవీ, తమిళ్ మలయాళ హిందీ భాషల్లో మాత్రం అసలు ఇంపాక్ట్ చూపించలేక పోయింది.
ఇతర భాషల్లో విరుపాక్ష సౌండ్ అసలు వినిపించలేదు. థియేట్రికల్ రన్ అన్ని భాషల్లో కంప్లీట్ చేసుకున్న ఈ సినిమా ఓటిటి రైట్స్ను ప్రముఖ ఓటీటీ సంస్థ నెట్ ఫ్లిక్స్ సొంతం చేసుకుంది. మామూలుగా ఈ మధ్య వస్తున్న సినిమాలు మూడు, నాలుగు వారాల్లోనే ఓటిటి బాట పడుతున్నాయి. హిట్ అయితే నెల రోజులు, ఫట్ అయితే రెండు, మూడు వారాలే గ్యాప్ ఇస్తున్నాయి ఓటిటి సంస్థలు. అయితే విరూపాక్ష బ్లాక్ బస్టర్ బొమ్మ కాబట్టి.. సరిగ్గా నెల రోజులకు ఓటిటిలోకి స్ట్రీమింగ్కు వచ్చేస్తోంది. ముందుగా తెలుగులో మే 21 నుంచి విరూపాక్ష డిజిటల్ స్ట్రీమింగ్కి అందుబాటులోకి రానుంది. మరి ఇతర భాషల్లో ఆశించిన స్థాయిలో రాణించలేకపోయిన విరుపాక్ష మూవీ, ఓటిటిలో విరూపాక్ష ఎలా అలరిస్తుందో చూడాలి.
