Sadha: జయం సినిమాతో తెలుగుతెరకు పరిచయమైన బ్యూటీ సదా. వెళ్ళవయ్యా.. వెళ్ళు అంటూ అభిమానుల గుండెల్లో చెరగని ముద్ర వేసుకున్న ఈ భామ స్టార్ హీరోల సరసన నటించి మెప్పించిన సదా .. ప్రస్తుతం వెబ్ సిరీస్ లు చేస్తూ బిజీగా మారింది. సినిమా అవకాశాలు తగ్గడంతో ఈ భామ.. డ్యాన్స్ షోలకు జడ్జిగా వెళ్తోంది. ఒకప్పుడు ఢీ షోలో సందడి చేసిన ఈ భామ.. ప్రస్తుతం నీతోనే డ్యాన్స్ అనే డ్యాన్స్ షోకు జడ్జిగా వ్యవహరిస్తోంది. అలనాటి నటి రాధ, డ్యాన్స్ మాస్టర్ తరుణ్ మాస్టర్ తో పాటు సదా కూడా అందాల ఆరబోతతో అదరగొడుతోంది. ఇక ఈ షో సెమీ ఫైనల్ వరకు వచ్చింది. ఈ నేపథ్యంలో కంటెస్టెంట్స్ అందరూ.. తమకు నచ్చిన థీమ్ తో అదరగొడుతున్నారు. ఇక ఇందుకు సంబంధించిన ప్రోమోలో సదాను భయపెట్టినట్లు చూపించారు. ఇందులో కంటెస్టెంట్స్.. కొందరు ఆగస్టు 15 కావడంతో దేశభక్తికి సంబంధించిన థీమ్ తో రాగా.. అంజలి- పవన్ జంట మాత్రం హర్రర్ థీమ్ తో వచ్చారు. అందులో అంజలి దెయ్యంగా కనిపించగా.. దెయ్యం నుంచి తప్పించుకొనే యువకుడిగా పవన్ కనిపించాడు.
Jailer 2: ‘జైలర్ 2’ ప్రకటించిన డైరెక్టర్.. రజినీ- విజయ్ కాంబోలో..
ఇక అంజలి మేకప్ అతి క్రూరంగా ఉండడంతో సదా ఒక్కసారిగా భయపడిపోయింది. ఆ డ్యాన్స్ యాక్ట్ ను ఆపాలంటూ సెట్ లో గావు కేకలు పెట్టింది. ఈ విషయంలో జోక్స్ పనికిరావని, తన దగ్గరకు వచ్చి అంజలి ముఖం చూపించవద్దని, తాను చాలా సెన్సిటివ్ అని అరవడం మొదలుపెట్టింది. భయంతో కళ్ళు మూసుకొని దయచేసి ఈ యాక్ట్ ఆపాలంటూ ఆమె గట్టిగా కేకలు పెట్టింది. ఈ ప్రోమో నెట్టింట వైరల్ గా మారింది. నిజం చెప్పాలంటే.. సదాకు దెయ్యాలు అన్నా.. హర్రర్ కు సంబంధించిన విషయాలు అన్నా చాలా భయమని ఆమె చాలా ఇంటర్వ్యూల్లో తెలిపింది. మరి ఈ డ్యాన్స్ ఎపిసోడ్ పై ఆమె ఎలా స్పందించిందో తెలియాలంటే ఎపిసోడ్ వచ్చేవరకు ఆగాల్సిందే.