సౌత్ సినిమా పరిధి పెరిగింది. కొంతకాలం నుంచి సినిమాపై పెట్టే పెట్టుబడి, అలాగే హీరోల రెమ్యూనరేషన్ కూడా భారీగా పెరిగిందని చెప్పొచ్చు. ప్రస్తుతం స్టార్ హీరోలంతా 50 కోట్లకు పైగా రెమ్యూనరేషన్ తీసుకుంటున్నారన్న వార్తలు తరచుగా చూస్తూనే ఉన్నాము. అయితే మన స్టార్స్ లో 100 కోట్లు రెమ్యూనరేషన్ గా అందుకునే హీరోలు కూడా ఉన్నారు. ఆ జాబితాలో ఇప్పుడు కోలీవుడ్ స్టార్ అజిత్ కుమార్ కూడా చేరిపోయినట్టు తెలుస్తోంది. తాజాగా తమిళ మీడియాలో అజిత్ తన నెక్స్ట్ మూవీ కోసం పారితోషికంగా రూ.105 కోట్లు అందుకుంటున్నారని టాక్ నడుస్తోంది.
Read Also : Macherla Niyojakavargam : సాలిడ్ అప్డేట్ ఇచ్చిన నితిన్
విఘ్నేష్ శివన్ దర్శకత్వంలో అజిత్ 62వ సినిమా రూపొందనున్న విషయం తెలిసిందే. ఇప్పటికే ఈ ప్రాజెక్ట్ పై అధికారిక ప్రకటన వచ్చేసింది. తమిళ మీడియా కథనాల ప్రకారం ఈ సినిమా కోసం అజిత్ భారీ రెమ్యూనరేషన్ ను తీసుకుంటున్నాడని టాక్ నడుస్తోంది. కాగా ఇటీవల అజిత్ హీరోగా నటించిన “వలిమై” విడుదలై తమిళంలో మంచి వసూళ్లు రాబట్టింది. మిగతా భాషల్లో ‘వలిమై’కి పెద్దగా రెస్పాన్స్ రానప్పటికీ కోలీవుడ్ లో మాత్రం బాగా రాణించింది. ఇక తమిళంలో ప్రస్తుతం విజయ్, అజిత్ కుమార్ ఇద్దరూ టాప్ స్టార్స్. వీరిద్దరి సినిమాలకు సౌత్ లో మంచి మార్కెట్ ఉందన్న విషయం తెలిసిందే.